India vs West Indies 4TH T20; ಗಿಲ್ -ಜೈಸ್ವಾಲ್ ಕಮಾಲ್: ಸರಣಿ ಸಮಬಲ

ಲಾಡರ್‌ಹಿಲ್‌: ಫ್ಲೋರಿಡಾದ ಲಾಡರ್‌ಹಿಲ್‌ನಲ್ಲಿ ಶನಿವಾರ ನಡೆದ ವೆಸ್ಟ್‌ಇಂಡೀಸ್‌ ಎದುರಿನ ಟಿ20 ಸರಣಿಯ ನಾಲ್ಕನೇ ಪಂದ್ಯದಲ್ಲಿ ಭಾರತ 9 ವಿಕೆಟ್‌ಗಳಿಂದ ಅಮೋಘ ಜಯ ಸಾಧಿಸಿ ಸರಣಿ ಸಮಬಲಗೊಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ವೆಸ್ಟ್ ಇಂಡೀಸ್ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. 8 ವಿಕೆಟ್ ನಷ್ಟಕ್ಕೆ 178 ರನ್ ಕಲೆ ಹಾಕಿತು. ಗುರಿ ಬೆನ್ನಟ್ಟಿದ ಭಾರತ ಆರಂಭಿಕ ಆಟಗಾರರಾದ ಯಶಸ್ವಿ ಜೈಸ್ವಾಲ್ ಮತ್ತು ಶುಭಮನ್ ಗಿಲ್ ಅವರ ಅಮೋಘ ಜತೆಯಾಟದಿಂದ ಸುಲಭ ಜಯ ಸಾಧಿಸಲು ಸಾಧ್ಯವಾಯಿತು. 17 ಓವರ್ ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 179 ರನ್ ಗಳಿಸಿತು.

ಜೈಸ್ವಾಲ್ ಅತ್ಯಮೋಘ ಆಟವಾಡಿ ಔಟಾಗದೆ 84 ರನ್ ಗಳಿಸಿದರು. 51 ಎಸೆತದಲ್ಲಿ 11 ಬೌಂಡರಿ ಮತ್ತು 3 ಅಮೋಘ ಸಿಕ್ಸರ್ ಬಾರಿಸಿದರು. ಗಿಲ್ 77 ರನ್ ಗಳಿಸಿ ಔಟಾದರು. 47 ಎಸೆತಗಳಲ್ಲಿ ಅವರು 3 ಬೌಂಡರಿ ಮತ್ತು 5 ಭರ್ಜರಿ ಸಿಕ್ಸರ್ ಸಿಡಿಸಿದ್ದರು. ತಿಲಕ್ ವರ್ಮ ಔಟಾಗದೆ 7 ರನ್ ಗಳಿಸಿದರು.

ವಿಂಡೀಸ್ ಪರ ಬ್ಯಾಟಿಂಗ್ ನಲ್ಲಿ ಕೆ ಮೇಯರ್ಸ್ ಆರಂಭದಲ್ಲಿ ಅಬ್ಬರಿಸಿದರಾದರೂ 17 ರನ್ ಗಳಿಸಿದ್ದ ವೇಳೆ ಅರ್ಷದೀಪ್ ಸಿಂಗ್ ಅವರನ್ನು ಪೆವಿಲಿಯನ್ ಗೆ ಕಳುಹಿಸುವಲ್ಲಿ ಯಶಸ್ವಿಯಾದರು. ಬ್ರಾಂಡನ್ ಕಿಂಗ್18, ಶಾಯ್ ಹೋಪ್ 45, ಪೂರನ್ 1, ಹೆಟ್ಮೆಯರ್ 61 ರನ್, ಒಡಿಯನ್ ಸ್ಮಿತ್ ಔಟಾಗದೆ 15 ರನ್ ಬಾರಿಸಿ ಉತ್ತಮ ಮೊತ್ತ ಕಲೆ ಹಾಕಲು ಕಾರಣವಾದರು. ಅರ್ಷದೀಪ್ ಸಿಂಗ್ 3 ವಿಕೆಟ್, ಕುಲದೀಪ್ ಯಾದವ್ 2 ವಿಕೆಟ್, ಅಕ್ಷರ್ ಪಟೇಲ್ಮ, ಚಾಹಲ್ ಮತ್ತು ಮುಕೇಶ್ ಕುಮಾರ್ ತಲಾ 1 ವಿಕೆಟ್ ಪಡೆದರು.