Viral: ರನೌಟ್‌ ಮಾಡಿದ್ದಕ್ಕೆ‌ ಸಿಟ್ಟು; ಬ್ಯಾಟ್‌ನಿಂದ ಪರಸ್ಪರ ಹೊಡೆದಾಡಿಕೊಂಡ ಆಟಗಾರರು

ನವದೆಹಲಿ: ಕ್ರಿಕೆಟ್‌ ಪಂದ್ಯದ ನಡುವೆ ಆಟಗಾರರ ನಡುವೆ ಕೆಲವೊಮ್ಮೆ ಮಾತಿನ ಚಕಮಕಿ ನಡೆಯುವುದುಂಟು. ಆದರೆ ಪಂದ್ಯ ಮುಗಿದ ಬಳಿಕ ಮೈದಾನದಲ್ಲಿ ನಡೆದ ಜಗಳವನ್ನು ಮರೆತು ಕೈಕುಲುಕಿ ಕೊಳ್ಳುತ್ತಾರೆ.

ಐಪಿಎಲ್‌, T20 ಲೀಗ್‌ ಹಾಗೂ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲೂ ಆಟಗಾರರು ಆಟದ ನಡುವೆ ತಾಳ್ಮೆಯನ್ನು ಕಳೆದುಕೊಳ್ಳುತ್ತಾರೆ. ಆದರೆ ಇಲ್ಲೊಂದು ಪಂದ್ಯದಲ್ಲಿ ನಡೆದ ಸನ್ನಿವೇಶ ಮೈದಾನದಲ್ಲಿರುವವರನ್ನು ಆಘಾತವನ್ನುಂಟು ಮಾಡಿದೆ.

ರನೌಟ್‌ ಆದ ವಿಚಾರಕ್ಕೆ ಇಬ್ಬರು ಆಟಗಾರರು ಮೈದಾನದಲ್ಲೇ ಬ್ಯಾಟ್‌ ಹಿಡಿದು ಪರಸ್ಪರ ಫೈಟ್‌ ಮಾಡಿಕೊಂಡಿರುವ ಘಟನೆಯ ವಿಡಿಯೋ ವೈರಲ್‌ ಆಗಿದೆ.

ಇಲ್ಲೊಂದು ಕ್ರಿಕೆಟ್‌ ಪಂದ್ಯದಲ್ಲಿ‌ ಇಬ್ಬರು ಬ್ಯಾಟರ್‌ ಗಳು ಕ್ರಿಸ್‌ ನಲ್ಲಿರುವಾಗ ರನ್‌ ಓಡುವ ಭರದಲ್ಲಿ ಒಬ್ಬರು ಔಟ್‌ ಆಗಿದ್ದಾರೆ. ತನ್ನನ್ನು ಔಟ್‌ ಮಾಡಿದ್ದಕ್ಕೆ‌ ಬ್ಯಾಟರ್‌ ಸಹ ಆಟಗಾರರನ ಜೊತೆ ವಾಗ್ವಾದಕ್ಕಿಳಿದಿದ್ದಾನೆ. ಮಾತಿಗೆ ಮಾತು ಬೆಳೆದು ಇಬ್ಬರು ಹೊಡೆದಾಡಿಕೊಳ್ಳಲು ಮುಂದಾಗಿದ್ದಾರೆ. ಪರಸ್ಪರ ಬ್ಯಾಟ್‌ ನಿಂದ ಹೊಡೆದಾಡಿಕೊಂಡಿದ್ದಾರೆ. ಪರಿಸ್ಥಿತಿ ಅರಿತ ಇತರ ಆಟಗಾರರು ಇಬ್ಬರನ್ನು ಎಳೆದುಕೊಂಡು ಹೋಗಿದ್ದಾರೆ.

ಈ ಘಟನೆ ಎಲ್ಲಿ ನಡೆದಿದೆ ಎನ್ನುವುದರ ಸ್ಪಷ್ಟ ಮಾಹಿತಿ ಇಲ್ಲ. ಸೋಶಿಯಲ್‌ ಮೀಡಿಯಾದಲ್ಲಿ ಈ ಕ್ರಿಕೆಟ್‌ ಜಗಳದ ವಿಡಿಯೋ ವೈರಲ್‌ ಆಗಿದೆ.