ಮಣಿಪಾಲ: ದಕ್ಷಿಣ ಏಷ್ಯಾದಲ್ಲೇ ಮೊದಲ ಅತ್ಯಾಧುನಿಕ ವಿಎಸ್‌ಎಲ್‌ – 3 ಸಂಚಾರಿ ಪ್ರಯೋಗಾಲಯ ಎಂಬ ಕೀರ್ತಿಗೆ ಭಾಜನವಾಗಿರುವ ಪುಣೆಯ ಎನ್‌ಐವಿಯ ಮೊಬೈಲ್‌ ಲ್ಯಾಬೊರೇಟರಿಯನ್ನು ಈಗ ಕೇರಳದ ನಿಫಾ ಬಾಧಿತ ಕೋಯಿಕ್ಕೋಡ್‌ನ‌ಲ್ಲಿ ನೆಲೆಗೊಳಿಸಲಾಗಿದೆ. ಅದರ ಬಗ್ಗೆ ಪುಟ್ಟ ಮಾಹಿತಿ.
ಪ್ರಯೋಗಾಲಯದ ವಿನ್ಯಾಸ ಮತ್ತು ನಿರ್ಮಾಣ: ಭಾರತೀಯ ವೈದ್ಯಕೀಯ ಸಂಶೋಧನ ಮಂಡಳಿಯು ಮುಂಬಯಿ ಮೂಲದ ಜೈವಿಕ ಸುರಕ್ಷ ಉಪಕರಣ ತಯಾರಿಕ ಕಂಪೆನಿ ಕ್ಲೆನ್‌ಝೈಡ್ಸ್‌ ಸಹಯೋಗದೊಂದಿಗೆ ನಿರ್ಮಾಣ ಮಾಡಿದೆ.
ಉದ್ದೇಶ: ನಿಫಾ, ಕೋವಿಡ್‌ನ‌ಂಥ ಮಾರಕ ಸಾಂಕ್ರಾಮಿಕ ರೋಗಗ್ರಸ್ತ ಪ್ರದೇಶದಲ್ಲಿ ಸೇವೆ ಸಲ್ಲಿಸುವುದು.
ನಿರ್ಮಾಣಕ್ಕೆ ಪ್ರೇರಣೆ: ಕೇರಳವನ್ನು ಈ ಹಿಂದೆ ಕಾಡಿದ್ದ ಮಾರಕ ನಿಫಾ ವೈರಸ್‌ ಸೋಂಕು.
ಪ್ರಯೋಗಾಲಯದಲ್ಲಿ ಏನೇನಿದೆ?: ನಿರ್ಯಾತ ಪ್ರದೇಶ, ಮೈನಸ್‌ 20 ಡಿಗ್ರಿ ಮತ್ತು ಮೈನಸ್‌ 80 ಡಿಗ್ರಿಯ ಶೀತಲೀಕರಣ ವ್ಯವಸ್ಥೆ. ಸ್ವಯಂಚಾಲಿತವಾಗಿ ಕಾರ್ಯಾಚರಿಸುವ ವ್ಯವಸ್ಥೆ, ಋಣಾತ್ಮಕ ಗಾಳಿ ಒತ್ತಡ, ಜೈವಿಕ ಸುರಕ್ಷ ಕ್ಯಾಬಿನೆಟ್‌ಗಳು, ಪಿಸಿಆರ್‌ ಯಂತ್ರಗಳು.
ಇವುಗಳ ಮೂಲ ನೆಲೆ ಎಲ್ಲಿ?: ಮೊದಲನೆಯದ್ದು ನ್ಯಾಶನಲ್‌ ಇನ್‌ಸ್ಟಿಟ್ಯೂಟ್‌ ಆಫ್ ವೈರಾಲಜಿ ಪುಣೆ, ಎರಡನೆಯದ್ದು ಆರ್‌ಎಂಆರ್‌ಸಿ ಗೋರಖ್‌ಪುರದಲ್ಲಿ.
ಇವುಗಳ ಕಾರ್ಯ ವ್ಯಾಪ್ತಿ: ಒಂದು ದಕ್ಷಿಣ ಭಾರತಕ್ಕೆ ಹಾಗೂ ಇನ್ನೊಂದು ಉತ್ತರ ಭಾರತಕ್ಕೆ.
