ಚಿತ್ರೋತ್ಸವದಲ್ಲಿ ಇಂದು ಧ್ವನಿ

9ನೇ ಬೆಂಗಳೂರು ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ 12 ಕನ್ನಡ ಸಿನಿಮಾಗಳು ಕೂಡಾ ಪ್ರದರ್ಶನ ಕಾಣುತ್ತಿವೆ. ಇಂದು ಸೆಬೆಸ್ಟಿನ್‌ ಡೇವಿಡ್‌ ನಿರ್ದೇಶನದ “ಧ್ವನಿ’ ಚಿತ್ರ ಪ್ರದರ್ಶನವಾಗಲಿದೆ. ಈ ಹಿಂದೆ “ಜ್ಯೋತಿರಾಜ್‌ ಅಲಿಯಾಸ್‌ ಕೋತಿರಾಜ್‌’ ಎಂಬ ಸಿನಿಮಾ ಮಾಡಿದ್ದ ಸೆಬಾಸ್ಟಿನ್‌ ಡೇವಿಡ್‌ ಸಾಂಸಾರಿಕ ಕಥೆಯೊಂದಿಗೆ ಈ ಸಿನಿಮಾ ಮಾಡಿದ್ದಾರೆ.

ಸಂಪ್ರದಾಯಸ್ಥ ಕುಟುಂಬವೊಂದರ ಹುಡುಗ ಪ್ರೀತಿಸಿ ವಿವಾಹವಾದ ಹುಡುಗಿಯಿಂದ ಮುಂದೆ ಯಾವ ರೀತಿ ತೊಂದರೆ ಅನುಭವಿಸುತ್ತಾನೆ, ಅದರಿಂದ ಆತನ ಕುಟುಂಬದ ಮೇಲೆ ಏನೆಲ್ಲಾ ಪರಿಣಾಮಗಳಾಗುತ್ತದೆಂಬುದರ ಸುತ್ತ ಈ ಚಿತ್ರ ಸುತ್ತುದೆಯಂತೆ. ಚಿತ್ರದಲ್ಲಿ ಚಂದನ್‌ ಶರ್ಮಾ, ಇತಿ ಆಚಾರ್ಯ, ರಮೇಶ್‌ ಭಟ್‌ ಸೇರಿದಂತೆ ಅನೇಕರು ನಟಿಸಿದ್ದು, ರಮೇಶ್‌ ಬಾಬು ಈ ಸಿನಿಮಾದ ನಿರ್ಮಾಪಕರು.