Vijayapura: 32.15 ಲಕ್ಷ ರೂ. ಮೌಲ್ಯದ 2 ಕ್ವಿಂಟಲ್ ಗಾಂಜಾ‌ ನಾಶ

ವಿಜಯಪುರ : ಪೊಲೀಸ್ ಕೇಂದ್ರ ಕಛೇರಿ ನಿರ್ದೇಶನದಂತೆ ಜಿಲ್ಲೆಯ ಪೊಲೀಸರು ತಮ್ಮ ವಶದಲ್ಲಿದ್ದ 32.15 ಲಕ್ಷ ರೂ ಮೌಲ್ಯದ 2 ಕ್ವಿಂಟಲ್ ಗಾಂಜಾ ನಾಶ ಮಾಡಿದ್ದಾರೆ.

ಶುಕ್ರವಾರ ನಗರದ ಇಂಡಿ ರಸ್ತೆಯಲ್ಲಿರುವ ಪಾಲಿಕೆಯ ಬಯೋ ಮೆಡಿಕಲ್ ಡಿಸ್ಪೋಸಲ್ ಘಟಕದಲ್ಲಿ 32.15ಲಕ್ಷ ರೂ. ಮವಬಲ್ಯದ 202 ಕೆ.ಜಿ. 380 ಗ್ರಾಂ ಮಾದಕ ವಸ್ತುವನ್ನು ನಾಶ ಮಾಡಲಾಗಿದೆ.

ಎನ್.ಡಿ.ಪಿ.ಎಸ್. ಕಾಯ್ದೆಯ ಅನ್ವಯ ಜಿಲ್ಲೆಯ ಮಾದಕ ವಸ್ತು ವಿಲೇವಾರಿ ಸಮಿತಿ ನೇತೃತ್ವದಲ್ಲಿ ಎಸ್ಪಿ ಋಷಿಕೇಶ ಭಗವಾನ್ ಸಾರಥ್ಯದಲ್ಲಿ ಮಾದಕ ವಸ್ತುಗಳನ್ನು ನಾಶ ಮಾಡಲಾಗಿದೆ‌ ಎಂದು ಪೊಲೀಸ್ ಪ್ರಕಟಣೆ ತಿಳಿಸಿದೆ.