‘Pushpa-2’ ನೋಡಲು ಬಂದವನ ಕಿವಿ ಕಚ್ಚಿದ ಕ್ಯಾಂಟೀನ್‌ ಮಾಲಕ!

ಭೋಪಾಲ್‌: “ಪುಷ್ಪ-2′ ಸಿನೆಮಾ ನೋಡಲು ಬಂದಿದ್ದ ಪ್ರೇಕ್ಷಕ ಹಾಗೂ ಥಿಯೇಟರ್‌ನಲ್ಲಿರುವ ಕ್ಯಾಂಟೀನ್‌ ಮಾಲಕನ ನಡುವೆ ಪಾವತಿ ವಿಚಾರ ಸಂಬಂಧಿಸಿದಂತೆ ಗಲಾಟೆ ನಡೆದಿದೆ. ಜಗಳ ತಾರಕ್ಕೆ ಏರಿ ಕ್ಯಾಂಟೀನ್‌ ಮಾಲಕ ಪ್ರೇಕ್ಷಕನ ಕಿವಿ ಕಚ್ಚಿರುವ ಘಟನೆ ಮಧ್ಯಪ್ರದೇಶದ ಗ್ವಾಲಿಯರ್‌ನಲ್ಲಿ ನಡೆದಿದೆ. ಸಿನೆಮಾ ನೋಡಲು ತೆರಳಿದ್ದ ಶಬ್ಬೀರ್‌ ಇಂಟರ್‌ವೆಲ್‌ನಲ್ಲಿ ತಿಂಡಿ-ತಿನಿಸು ತೆಗದು ಕೊಂಡಿದ್ದು, ಅದರ ಶುಲ್ಕ ಪಾವತಿ ವಿಚಾರವಾಗಿ ಮಾಲಕ ರಾಜು ಜತೆಗೆ ವಾಗ್ವಾದವಾಗಿದೆ. ಈ ವೇಳೆ ಪರಸ್ಪರ ಜಗಳ ಏರ್ಪಟ್ಟು ಸಿಟ್ಟಿಗೆದ್ದ ರಾಜು ಶಬೀರ್‌ ಕಿವಿ ಕಚ್ಚಿದ್ದಾರೆ. ಶಬೀರ್‌ ದೂರು ನೀಡಿದ ಹಿನ್ನೆಲೆಯಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.