LIC ‘ಬಿಮಾ ಸಖಿ ಯೋಜನೆ’: 2 ಲಕ್ಷ ಮಹಿಳೆಯರಿಗೆ ಉದ್ಯೋಗ

ಪಾಣಿಪತ್‌: ಎಲ್‌ಐಸಿ ಅಡಿಯಲ್ಲಿ “ಬಿಮಾ ಸಖಿ ಯೋಜನೆ’ಗೆ ಹರಿಯಾಣದ ಪಾಣಿಪತ್‌ನಲ್ಲಿ ಪ್ರಧಾನಿ ಮೋದಿ ಸೋಮವಾರ ಚಾಲನೆ ನೀಡಿದ್ದಾರೆ. ಮುಂದಿನ 3 ವರ್ಷಗಳಲ್ಲಿ 2 ಲಕ್ಷ ಮಹಿಳೆಯರನ್ನು ವಿಮಾ ಏಜೆಂಟ್‌ಗಳಾಗಿ ನೇಮಿಸಲು ಗುರಿ ಹೊಂದಲಾಗಿದೆ. 10ನೇ ತರಗತಿ ಉತ್ತೀರ್ಣರಾದ 18-70 ವರ್ಷದ ಮಹಿಳೆಯರ ಸಶಕ್ತೀಕರಣಕ್ಕಾಗಿ ಈ ಯೋಜನೆ ರೂಪಿಸಲಾಗಿದೆ. ನೇಮಕಗೊಂಡವರಿಗೆ 3 ವರ್ಷ ತರಬೇತಿ ನೀಡಲಾಗುತ್ತದೆ. ಮೊದಲ ವರ್ಷ ಪ್ರತೀ ತಿಂಗಳು 7,000 ರೂ. ನೀಡಲಾಗುತ್ತದೆ. 2 ನೇ ವರ್ಷ ಪ್ರತೀ ತಿಂಗಳು 6,000 ರೂ., 3ನೇ ವರ್ಷ ಪ್ರತೀ ತಿಂಗಳು 5000 ರೂ. ಸ್ಟೈಪೆಂಡ್‌ ನೀಡಲಾ ಗುತ್ತದೆ. ತರಬೇತಿ ಪೂರ್ಣಗೊಂಡ ಬಳಿಕ ಅವರು ಏಜೆಂಟ್‌ ಆಗಬಹುದು. ಬಳಿಕ ಅವರನ್ನು ಡೆವಲಪ್‌ಮೆಂಟ್‌ ಆಫೀಸರ್‌ ಹುದ್ದೆಗೆ ನೇಮಕ ಮಾಡಬಹುದು.