ಡಿ.1ರಿಂದ ವಾಹನಗಳಿಗೆ ಟೋಲ್‌ಗ‌ಳ ಕಿರಿಕಿರಿ ಇಲ್ಲ

ಹೊಸದಿಲ್ಲಿ: ರಾಷ್ಟ್ರೀಯ ಹೆದ್ದಾರಿಗಳಲ್ಲಿನ ಟೋಲ್‌ಗ‌ಳಲ್ಲಿ ಸ್ವಯಂಚಾಲಿತವಾಗಿ ಶುಲ್ಕವನ್ನು ಪಾವತಿಸಲು ಅವಕಾಶ ಕಲ್ಪಿಸುವ “ಫಾಸ್ಟಾಗ್‌’ಗಳನ್ನು ಡಿ. 1ರ ಅನಂತರ ಭಾರತದಲ್ಲಿ ಬಿಡುಗಡೆಯಾಗುವ ಎಲ್ಲಾ ಕಾರುಗಳಿಗೆ ಕಡ್ಡಾಯಗೊಳಿಸಿ ಕೇಂದ್ರ ಸಾರಿಗೆ ಇಲಾಖೆ ಸೂಚನೆ ನೀಡಿದೆ.

ಕಾರುಗಳಂಥ ಲಘು ಮೋಟಾರು ವಾಹನಗಳಿಗೆ ಅವುಗಳ ತಯಾರಿಕಾ ಕಂಪೆನಿಗಳೇ ಫಾಸ್ಟಾಗ್‌ ಅನ್ನು ಆ ವಾಹನಗಳ ಮುಂಭಾಗದ ಬೃಹತ್‌ ಗಾಜಿನ ಪರದೆ (ವಿಂಡ್‌ ಶೀಲ್ಡ್‌) ಮೇಲೆ ಅಂಟಿಸಬೇಕು. ಇನ್ನು, ದೊಡ್ಡ ವಾಹನಗಳಾದ ಲಾರಿ, ಬಸ್ಸುಗಳಿಗೆ ಅವುಗಳನ್ನು ಕೊಳ್ಳುವ ಮಾಲಕರೇ ಅವುಗಳನ್ನು ಲಗತ್ತಿಸಿಕೊಳ್ಳಬೇಕಿರುತ್ತದೆ. ಬಾರ್‌ ಕೋಡ್‌ ಯುಕ್ತ ಸ್ಟಿಕ್ಕರ್‌ ಮಾದರಿಯ ಈ ಟ್ಯಾಗ್‌ನಿಂದ ತ್ವರಿತ ಶುಲ್ಕ ಸಂದಾಯ ಸಾಧ್ಯ.