Vaishno Devi ಕ್ಷೇತ್ರದಲ್ಲಿ ಇನ್ನು ಮುಂದೆ ಭಕ್ತರಿಗೆ ಸಸಿ ಪ್ರಸಾದ: ಅಂಶುಲ್‌

ಜಮ್ಮು: ದೇವಸ್ಥಾನಗಳಲ್ಲಿ ಸಿಹಿ ಪದಾರ್ಥ ಇಲ್ಲವೇ ಅನ್ನವನ್ನು ಪ್ರಸಾದವಾಗಿ ನೀಡುವುದು ಸಾಮಾನ್ಯ. ಆದರೆ, ಜಮ್ಮುವಿನ ಪ್ರಸಿದ್ಧ ತೀರ್ಥಕ್ಷೇತ್ರ ವೈಷ್ಣೋ ದೇವಿ ಮಂದಿರದಲ್ಲಿ ಇನ್ನು ಮುಂದೆ ಭಕ್ತರಿಗೆ ಸಸಿಗಳನ್ನು ಪ್ರಸಾದವಾಗಿ ನೀಡಲಾಗುತ್ತದೆ.

ಈ ಕುರಿತು ತೀರ್ಥ ಕ್ಷೇತ್ರದ ಆಡಳಿತ ಮಂಡಳಿ ನಿರ್ಧರಿಸಿದ್ದು, ಮಂಡಳಿ ಆರಂಭಿಸಿದ ವೈಷ್ಣವಿ ವಾಟಿಕಾ ನರ್ಸರಿಯಿಂದ ಭಕ್ತರಿಗೆ ಸಸಿಗಳನ್ನು ಪ್ರಸಾದವಾಗಿ ನೀಡಲಾಗುತ್ತದೆ. ಜೂನ್‌ 5 ವಿಶ್ವ ಪರಿಸರ ದಿನದಂದು ಕಾತ್ರಾ ಬೇಸ್‌ ಕ್ಯಾಂಪ್‌ನಲ್ಲಿ ನರ್ಸರಿ ಉದ್ಘಾಟನೆಗೊಂಡಿದೆ.

ಈ ನೂತನ ನರ್ಸರಿಯಲ್ಲಿ 40 ವಿವಿಧ ತಳಿಯ ಸಸ್ಯಗಳಿದ್ದು, ಪರಿಸರ ಜಾಗೃತಿಗಾಗಿ ಭಕ್ತರಿಗೆ ಸಸಿಗಳನ್ನು ನೀಡುವ ಯೋಜನೆ ರೂಪಿಸಲಾಗಿದೆ ಎಂದು ಮಂಡಳಿಯ ಅಧಿಕಾರಿ ಅಂಶುಲ್‌ ಗಾರ್ಗ್‌ ತಿಳಿಸಿದ್ದಾರೆ.