ಯುಎಸ್‌ಎ-ಐರ್ಲೆಂಡ್‌ ಏಕದಿನ ಸರಣಿ ರದ್ದು

ಫ್ಲೋರಿಡಾ: ಕೊರೊನಾ ಕಾರಣದಿಂದ ಯುಎಸ್‌ಎ ಮತ್ತು ಐರ್ಲೆಂಡ್‌ ನಡುವಿನ ಏಕದಿನ ಸರಣಿಯನ್ನು ರದ್ದುಗೊಳಿಸಲಾಗಿದೆ.

ಐರ್ಲೆಂಡ್‌ ತಂಡದ ಇಬ್ಬರು ಸಹಾಯಕ ಸಿಬಂದಿಯಲ್ಲಿ ಕೊರೊನಾ ಪಾಸಿಟಿವ್‌ ಕಂಡುಬಂದ ಬಳಿಕ ಈ ನಿರ್ಧಾರಕ್ಕೆ ಬರಲಾಗಿದೆ.

ಯುಎಸ್‌ಎಗೆ ಪ್ರವಾಸಗೈದ ಐಸಿಸಿ ಪೂರ್ಣ ಪ್ರಮಾಣದ ಸದಸ್ಯತ್ವ ಹೊಂದಿರುವ ಮೊದಲ ತಂಡವೆಂಬ ಹೆಗ್ಗಳಿಕೆ ಐರ್ಲೆಂಡ್‌ನ‌ದ್ದಾಗಿತ್ತು. ಸರಣಿಯ ಟಿ20 ಸರಣಿ 1-1ರಿಂದ ಸಮನಾಗಿತ್ತು. ಮೊದಲ ಏಕದಿನ ಪಂದ್ಯ ಕೋವಿಡ್‌ ಕಾರಣದಿಂದ ರದ್ದುಗೊಂಡಿತ್ತು. ಇದೀಗ ಬುಧವಾರದ ಪಂದ್ಯವನ್ನೂ ಕೈಬಿಡಲಾಗಿದೆ.

ಇದನ್ನೂ ಓದಿ:ಬೆಂಗಾಲ್‌ ಕದನ ಗೆದ್ದ ದಿಲ್ಲಿ; ಮತ್ತೆ ನವೀನ್‌ ಕುಮಾರ್‌ ಆರ್ಭಟ

ಐರ್ಲೆಂಡ್‌ ತಂಡವಿನ್ನು ವೆಸ್ಟ್‌ ಇಂಡೀಸ್‌ ಪ್ರವಾಸ ಕೈಗೊಳ್ಳಲಿದೆ. ಡಿ. 31ರಂದು ಕಿಂಗ್‌ಸ್ಟನ್‌ಗೆ ತೆರಳಲಿದೆ. ಆದರೆ ಪಾಸಿಟಿವ್‌ ಫ‌ಲಿತಾಂಶ ಹೊಂದಿರುವ ಸಹಾಯಕ ಸಿಬಂದಿ ಫ್ಲೋರಿಡಾದಲ್ಲೇ ಉಳಿಯಲಿದ್ದಾರೆ.