Advertisement
ಇದು 4 ಪಂದ್ಯಗಳ ಮುಖಾಮುಖಿಯಾದ್ದರಿಂದ, ಸರಣಿ ವಶ ಪಡಿಸಿಕೊಳ್ಳಲು 3 ಪಂದ್ಯಗಳನ್ನು ಗೆಲ್ಲಲೇಬೇಕಿದೆ. ಆದರೆ 2 ಪಂದ್ಯ ಗೆದ್ದರೆ ಸರಣಿ ಸೋಲಿನ ಕಂಟಕ ಎದುರಾಗದು. ಈ ನಿಟ್ಟಿನಲ್ಲಿ ಭಾರತ ರವಿವಾರದ ಮುಖಾಮುಖಿಯನ್ನೂ ಗೆದ್ದು “ಸೇಫ್ ಝೋನ್‌’ನಲ್ಲಿ ಉಳಿಯುವುದು ಮುಖ್ಯ.
Related Articles
Advertisement
ಬೇಕಿದೆ ಮತ್ತದೇ ಆಟ…
ದ್ವಿತೀಯ ಪಂದ್ಯದಲ್ಲೂ ಹರಿಣಗಳಿಗೆ ತಲೆ ಎತ್ತಿ ನಿಲ್ಲದಂತೆ ಮಾಡಲು ಭಾರತದ ಪ್ರಯತ್ನ ಮುಂದುವರಿಯಬೇಕಿದೆ. ಇದಕ್ಕೆ ಮೊದಲ ಪಂದ್ಯದ ಆಟವನ್ನೇ ಪುನರಾವರ್ತಿಸುವುದು ಮುಖ್ಯ. ಬ್ಯಾಟಿಂಗ್‌ ವಿಷಯಕ್ಕೆ ಬರುವುದಾದರೆ, ಸ್ಯಾಮ್ಸನ್‌ ಮಾತ್ರವಲ್ಲ, ಉಳಿದವರ ಬ್ಯಾಟ್‌ನಿಂದಲೂ ರನ್‌ ಹರಿದು ಬರುವುದು ಮುಖ್ಯ. ಅಭಿಷೇಕ್‌ ಶರ್ಮ, ಸೂರ್ಯಕುಮಾರ್‌, ಪಾಂಡ್ಯ ಕ್ರೀಸ್‌ ಆಕ್ರಮಿಸಿಕೊಳ್ಳಬೇಕಾದ ಅಗತ್ಯವಿದೆ.
ಡರ್ಬನ್‌ನಲ್ಲಿ ಭಾರತ 8ಕ್ಕೆ 202 ರನ್‌ ರಾಶಿ ಹಾಕಿತೇನೋ ನಿಜ, ಆದರೆ ಅಂತಿಮ 6 ಓವರ್‌ಗಳಲ್ಲಿ ಬಂದದ್ದು 40 ರನ್‌ ಮಾತ್ರ ಎಂಬುದನ್ನು ಮರೆಯುವಂತಿಲ್ಲ. ಮಧ್ಯಮ ಹಾಗೂ ಕೆಳ ಕ್ರಮಾಂಕದ ಬ್ಯಾಟರ್‌ಗಳ ಪ್ರಯತ್ನ ಸಾಲದು ಎಂಬುದನ್ನು ಇದು ಸೂಚಿಸುತ್ತದೆ.
ದಕ್ಷಿಣ ಆಫ್ರಿಕಾ 4 ಮಂದಿ ಪ್ರಮುಖ ಆಟಗಾರರ ಸೇವೆಯಿಂದ ವಂಚಿತವಾಗಿದೆ. ಇವರೆಂದರೆ ಕ್ವಿಂಟನ್‌ ಡಿ ಕಾಕ್‌, ಕಾಗಿಸೊ ರಬಾಡ, ಆ್ಯನ್ರಿಚ್‌ ನೋರ್ಜೆ ಮತ್ತು ತಬ್ರೇಜ್‌ ಶಮ್ಸಿ. ಆದರೂ ಆತಿಥೇಯ ಪಡೆ ಭಾರತಕ್ಕಿಂತ ಹೆಚ್ಚು ಅನುಭವಿ ಎಂಬುದರಲ್ಲಿ ಅನುಮಾನವಿಲ್ಲ. ಅದೀಗ ಗಾಯಗೊಂಡ ಹುಲಿ!