ಪಾಕ್‌ಗೆ ಆರ್ಥಿಕ ನೆರವು ತಡೆಗೆ ಅಮೆರಿಕ ಚಿಂತನೆ

ನ್ಯೂಯಾರ್ಕ್‌: ಉಗ್ರರ ವಿರುದ್ಧ ಕ್ರಮ ಕೈಗೊಳ್ಳದ ಪಾಕಿಸ್ಥಾನದ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಲು 1,600 ಕೋಟಿ ರೂ. ಅನುದಾನವನ್ನು ಅಮೆರಿಕ ತಡೆಹಿಡಿವ ಸಾಧ್ಯತೆಯಿದೆ.

 ಈ ಬಗ್ಗೆ ಸರಕಾರದ ಆಂತರಿಕ ಚರ್ಚೆ ಮುಕ್ತಾಯವಾಗಿದ್ದು, ಶೀಘ್ರದಲ್ಲೇ ಟ್ರಂಪ್‌ ನಿರ್ಧಾರ ಘೋಷಿಸುವ ಸಾಧ್ಯತೆಯಿದೆ. ಆಗಸ್ಟ್‌ನಲ್ಲೇ ಈ ಅನುದಾನ ತಡೆಹಿಡಿಯಲಾಗಿತ್ತು. ಆದರೆ ಹೊಸ ಸರಕಾರ ರಚನೆಯಾದ ಅನಂತರ ಈ ಬಗ್ಗೆ ಇದೇ ಮೊದಲ ಬಾರಿಗೆ ಚರ್ಚೆ ನಡೆದಿದೆ. 

ಇತ್ತೀಚಿನ ದಿನಗಳಲ್ಲಿ ಅಮೆರಿಕ- ಪಾಕ್‌ ಸಂಬಂಧ ಕ್ಷೀಣಿಸುತ್ತಿದ್ದು, ಅನುದಾನ ಸ್ಥಗಿತ ನಿರ್ಧಾರ ಪ್ರಕಟಿಸಿದರೆ ಇನ್ನೂ ಕೆಳಮಟ್ಟಕ್ಕೆ ಸಾಗುವ ಸಾಧ್ಯತೆಯಿದೆ.