ಅಂಡರ್‌-19 ಟೆಸ್ಟ್‌:ದಕ್ಷಿಣ ಆಫ್ರಿಕಾ 197

ತಿರುವನಂತಪುರ: ಇಲ್ಲಿ ಆರಂಭಗೊಂಡ ಅಂಡರ್‌-19 ತಂಡಗಳ ಟೆಸ್ಟ್‌ ಪಂದ್ಯದಲ್ಲಿ ಪ್ರವಾಸಿ ದಕ್ಷಿಣ ಆಫ್ರಿಕಾ 197 ರನ್ನಿಗೆ ಆಲೌಟ್‌ ಆಗಿದೆ. ಜವಾಬು ನೀಡಲಾರಂಭಿಸಿದ ಭಾರತ ತಂಡ 3 ವಿಕೆಟಿಗೆ 95 ರನ್‌ ಮಾಡಿದೆ.

ಆರಂಭಿಕ ಕುಸಿತಕ್ಕೆ ಸಿಲುಕಿದ ದಕ್ಷಿಣ ಆಫ್ರಿಕಾ ತಂಡವನ್ನು ನಾಯಕ ಮ್ಯಾಥ್ಯೂ ಮಾಂಟೊYàಮರಿ (57) ಮತ್ತು ಬ್ರೈಸ್‌ ಪಾರ್ಸನ್ಸ್‌ (58) ಸೇರಿಕೊಂಡು ಮೇಲೆತ್ತುವ ಪ್ರಯತ್ನ ಮಾಡಿದರು. ಭಾರತದ ಪದ ಹೃತಿಕ್‌ ಶೊಕೀನ್‌ 4, ಅಂಶುಲ್‌ ಕಾಂಬೋಜ್‌ ಮತ್ತು ಸಬಿರ್‌ ಖಾನ್‌ ತಲಾ 2 ವಿಕೆಟ್‌ ಉರುಳಿಸಿದರು.

ಭಾರತ ಕೂಡ ಆರಂಭಿಕ ಕುಸಿತಕ್ಕೆ ಸಿಲುಕಿತು. ಆದರೆ ಓಪನರ್‌ ದಿವ್ಯಾಂಶ್‌ ಸಕ್ಸೇನಾ (ಬ್ಯಾಟಿಂಗ್‌ 44) ಕ್ರೀಸ್‌ ಆಕ್ರಮಿಸಿಕೊಳ್ಳುವಲ್ಲಿ ಯಶಸ್ವಿಆಗಿದ್ದಾರೆ. ಯಶಸ್ವಿ ಜೈಸ್ವಾಲ್‌ (24) ವಿಕೆಟ್‌ ಬಿದ್ದೊಡನೆ ದಿನದಾಟವನ್ನು ಕೊನೆಗೊಳಿಸಲಾಯಿತು.