“ತುಳುನಾಡಿನ ದೈವಗಳು ಕಾರಣಿಕವಾದವು’

ಕಿನ್ನಿಗೋಳಿ: ತುಳುನಾಡಿನ ದೈವಗಳು ನಂಬಿದ ಭಕ್ತರ ಆಶೋತ್ತರಗಳನ್ನು  ಈಡೇರಿಸುತ್ತ ಬಂದಿ ರುವುದರಿಂದ ಅವುಗಳು ಕಾರಣಿಕವಾಗಿವೆ ಎಂದು ದೈವಸ್ಥಾನದ ಪುರೋಹಿತ ಏಳಿಂಜೆ ಶ್ರೀಧರ ಭಟ್‌ ಹೇಳಿದರು. 

ಅವರು ಮಾ. 25ರಂದು ಕೆಮ್ಮಡೆ – ಮೂರುಕಾವೇರಿ ಶ್ರೀ ವೈದ್ಯನಾಥ ದೈವಸ್ಥಾನದಲ್ಲಿ ವಾರ್ಷಿಕ ನೇಮದ ಸಂದರ್ಭ ಜರಗಿದ ಧಾರ್ಮಿಕ ಸಭೆಯಲ್ಲಿ ಮಾತನಾಡಿ, ಇಂತಹ ಧಾರ್ಮಿಕ ಕಾರ್ಯಕ್ರಮಗಳಿಂದ ಧರ್ಮ ಜಾಗೃತಿ ಮಾಡಲು ಸಾಧ್ಯ ಎಂದರು.  

ಇದೇ ಸಂದರ್ಭದಲ್ಲಿ ದೈವಸ್ಥಾನದ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಂಡಿದ್ದ ಅನಂತಪದ್ಮನಾಭ ರಾವ್‌ ಅವರನ್ನು ಸಮ್ಮಾನಿಸಲಾಯಿತು. ಯುಗಪುರುಷದ ಪ್ರಧಾನ ಸಂಪಾದಕ ಕೆ. ಭುವನಾಭಿರಾಮ ಉಡುಪ, ಐಕಳ ಗ್ರಾಮ ಪಂಚಾಯತ್‌ ಅಧ್ಯಕ್ಷ  ದಿವಾಕರ ಚೌಟ, ಉದ್ಯಮಿ ಸಂತೋಷ್‌ ಕುಮಾರ್‌ ಪುನರೂರು, ಮೆನ್ನಬೆಟ್ಟು ಗ್ರಾಮ ಪಂಚಾಯತ್‌ ಅಧ್ಯಕ್ಷೆ ಸರೋಜಿನಿ ಸುಧಾಕರ ಗುಜರನ್‌, ಕೃಷ್ಣ ಶೆಟ್ಟಿ ತೆಂಡೇಲ್‌, ಉದ್ಯಮಿ ಶ್ರೀನಾಥ್‌ ಕೆಂಚನಕೆರೆ ,  ಕಿನ್ನಿಗೋಳಿಯ ಉದ್ಯಮಿ ಡೊಲ್ಫಿ ಸಂತುಮಾಯೊರ್‌, ಅಧ್ಯಕ್ಷ ತಾರಾನಾಥ ಮತ್ತಿತರರು ಉಪಸ್ಥಿತರಿದ್ದರು. ಕೆ. ಬಿ. ಸುರೇಶ್‌ ಸ್ವಾಗತಿಸಿದರು.