Kerala ಶಬರಿಮಲೆಗೆ ಕಾಡಿನ ದಾರಿಯಲ್ಲಿ ಬರುವವರಿಗಿದ್ದ ಪಾಸ್‌ ರದ್ದು: ಮಂಡಳಿ

ಶಬರಿಮಲೆ: ಶಬರಿಮಲೆ ಅಯ್ಯಪ್ಪ ದೇವಸ್ಥಾನಕ್ಕೆ ಕಾಡಿನ ದಾರಿಯಲ್ಲಿ ನಡೆದು ಬರುವವರಿಗೆ ನೀಡುವ ಪಾಸ್‌ ಅನ್ನು ತಾತ್ಕಾಲಿಕವಾಗಿ ರದ್ದು ಮಾಡಲಾಗಿದೆ. ಇತ್ತೀಚೆಗೆ ನಡೆದು ಬರುತ್ತಿರುವವರ ಸಂಖ್ಯೆ 5 ಪಟ್ಟು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ ಎಂದು ಕೇರಳದ ದೇವಸ್ವಂ ಮಂಡಳಿ ಸದಸ್ಯ ಕೃಷ್ಣಕುಮಾರ್‌ ತಿಳಿಸಿದ್ದಾರೆ.

ಕಾಡಿನಲ್ಲಿ ನಡೆದು ಬರುತ್ತಿರುವವರಿಗೆ ವಿಶೇಷ ದರ್ಶನ ನೀಡುವ ವ್ಯವಸ್ಥೆಯನ್ನು ಇತ್ತೀಚೆಗೆ ಜಾರಿಗೊಳಿಸಲಾಗಿತ್ತು. ಅವರಿಗೆ ಅರಣ್ಯ ಇಲಾಖೆ ಮೂಲಕ ವಿಶೇಷ ಟ್ಯಾಗ್‌ ನೀಡಿ, ವಿಶೇಷ ದರ್ಶನಕ್ಕೆ ಏರ್ಪಾಡು ಮಾಡಲಾಗಿತ್ತು. 2ನೇ ಹಂತದ ದರ್ಶನಕ್ಕಾಗಿ ಅಯ್ಯಪ್ಪ ದೇಗುಲ ಡಿ.30ರಂದು ತೆರೆದಿತ್ತು. ಜ.14ರಂದು ಮಕರ ವಿಳಕ್ಕುವರೆಗೆ ದೇಗುಲ ತೆರೆದಿರಲಿದೆ.