ಇಂಡೋನೇಷ್ಯಾದಲ್ಲಿ ಭಾರೀ ಭೂಕಂಪ, ಸುನಾಮಿ; 168 ಮಂದಿ ಬಲಿ!

ಜಕಾರ್ತಾ: ಇಂಡೋನೇಷ್ಯಾದ ಪ್ರವಾಸಿ ಸ್ಥಳವಾಗಿರುವ ತಾಂಜುಂಗ್‌ ಲೆಸುಂಗ್‌ ಬೀಚ್‌ ಬಳಿ ಶನಿವಾರ ರಾತ್ರಿ  ಪ್ರಬಲ ಭೂಕಂಪ ಸಂಭವಿಸಿದ ಬಳಿಕ ಸುನಾಮಿ ಅಲೆಗಳು ಅಪ್ಪಳಿಸಿದ್ದು ಕನಿಷ್ಠ 164 ಮಂದಿ ಸಾವನ್ನಪ್ಪಿದ್ದಾರೆ.

ಭೂಮಿಯ ಆಳದಲ್ಲಿ  ಕಂಪನದಿಂದಾಗಿ ಕುಸಿತ ಉಂಟಾಗಿ ಸುನಾಮಿ ಅಲೆಗಳು ಎದ್ದಿದ್ದು, ಸುಮಾತ್ರಾದ ಬೀಚ್‌ ಭಾಗಕ್ಕೆ ಅಪ್ಪಳಿಸಿವೆ. 700ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದು,ಕೆಲವರು ನಾಪತ್ತೆಯಾಗಿದ್ದಾರೆ.

ಹುಣ್ಣಿಮೆ ರಾತ್ರಿಯಲ್ಲಿ ಸಮುದ್ರದಲ್ಲಿ ಭಾರಿ ಅಲೆಗಳು ಎದ್ದ ಪರಿಣಾಮ ದ್ವೀಪ ರಾಷ್ಟ್ರದಲ್ಲಿ ತಲ್ಲಣ ಸೃಷ್ಟಿಸಿವೆ.ಅನಾಕ್‌ ಕ್ರಕಾಟೋವಾ ಎನ್ನುವ ದ್ವೀಪದಲ್ಲಿ ಜ್ವಾಲಾಮುಖೀಯು ಕಾಣಿಸಿಕೊಂಡಿರುವುದಾಗಿ ವರದಿಯಾಗಿದೆ. 

2004 ರಲ್ಲಿ ಡಿಸೆಂಬರ್‌ 26 ರಂದು ಭೀಕರ ಸುನಾಮಿ ಅಪ್ಪಳಿಸಿ 2 ಲಕ್ಷದ 26 ಸಾವಿರ ಮಂದಿ ಸಾವನ್ನಪ್ಪಿದ್ದರು. ಇಂಡೋನೇಷ್ಯಾವೊಂದರಲ್ಲೇ 1 ಲಕ್ಷದ 20 ಸಾವಿರ ಜನರು ಪ್ರಾಣ ಕಳೆದುಕೊಂಡಿದ್ದರು.