Advertisement
ಈ ಬಗ್ಗೆ ನನ್ನ ಬಳಿ ಯಾವುದೇ ಸಾಕ್ಷ್ಯಗಳಿಲ್ಲ. ಆದರೆ ಫ್ರಾನ್ಸ್ ಮಾಜಿ ಅಧ್ಯಕ್ಷ ಮೊದಲು ಒಂದು ಹೇಳಿಕೆ ನೀಡಿ, ನಂತರ ತಮ್ಮ ಹೇಳಿಕೆ ತಿದ್ದಿಕೊಂಡರು. ಎಲ್ಲದಕ್ಕಿಂತ ಹೆಚ್ಚಾಗಿ 20 ದಿನಗಳ ಮೊದಲೇ ರಾಹುಲ್‌ಗೆ ಈ ಬಗ್ಗೆ ಹೇಗೆ ಮಾಹಿತಿ ಸಿಕ್ಕಿತ್ತು ಎಂದು ಜೇಟ್ಲಿ ಪ್ರಶ್ನಿಸಿದ್ದಾರೆ. ಅಲ್ಲದೆ, ವಿವಾದದ ಕಾರಣಕ್ಕಾಗಿ ಡೀಲ್‌ ರದ್ದು ಮಾಡುವ ಪ್ರಶ್ನೆಯೇ ಇಲ್ಲ ಎಂದ ಜೇಟ್ಲಿ ‘ರಕ್ಷಣಾ ಪಡೆಗಳಿಗೆ ಅವುಗಳು ಅಗತ್ಯವಿದೆ. ರಫೇಲ್‌ ಯುದ್ಧ ವಿಮಾನಗಳು ನಮ್ಮ ರಕ್ಷಣಾ ಪಡೆಗಳಿಗಾಗಿ ಬರಬೇಕು ಮತ್ತು ಬಂದೇ ಬರುತ್ತವೆ’ ಎಂದು ಹೇಳಿದ್ದಾರೆ. ಇದಕ್ಕೂ ಮುನ್ನ ಫೇಸ್‌ ಬುಕ್‌ ನಲ್ಲಿ ಬರೆದುಕೊಂಡ ಜೇಟ್ಲಿ, ಕಾಂಗ್ರೆಸ್‌ ನಾಯಕರು ಅತ್ಯಂತ ಕೆಟ್ಟ ಭಾಷೆ ಬಳಕೆ ಮಾಡುತ್ತಿದ್ದಾರೆ. ಸಾರ್ವಜನಿಕವಾಗಿ ಅಭಿಪ್ರಾಯ ವ್ಯಕ್ತಪಡಿಸುವುದೆಂದರೆ ನಗೆಪಾಟಲಿಗೆ ಈಡಾಗುವುದಲ್ಲ ಎಂದಿದ್ದರು.ಪಾಕ್‌ ಜತೆಗೆ ಮಹಾಮೈತ್ರಿಯೇ?
ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಟ್ವೀಟ್‌ ಮಾಡಿ, ‘ರಾಹುಲ್‌ ಜತೆ ಪಾಕಿಸ್ಥಾನವೂ ಮೋದಿ ಹಟಾವೋ ಎಂದು ಹೇಳುತ್ತಿದೆ. ಪ್ರಧಾನಿ ವಿರುದ್ಧದ ಆಧಾರರಹಿತ ಆರೋಪದಲ್ಲಿ ಪಾಕಿಸ್ಥಾನ ಕೂಡ ಬೆಂಬಲ ನೀಡುತ್ತಿದೆ. ಕಾಂಗ್ರೆಸ್‌ ಪಾಕಿಸ್ಥಾನ ಜತೆ ಸೇರಿಕೊಂಡು ಪ್ರಧಾನಿ ವಿರುದ್ಧ ಅಂತಾರಾಷ್ಟ್ರೀಯ ಮಹಾಮೈತ್ರಿ ಕೂಟ ರಚಿಸಿಕೊಂಡಿದೆಯೇ ಎಂದು ಪ್ರಶ್ನಿಸಿದ್ದಾರೆ.
ಸಚಿವ ಜೇಟ್ಲಿ ಲೇಖನಕ್ಕೆ ತಿರುಗೇಟು ನೀಡಿರುವ ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ, ‘ಪ್ರಧಾನಿ ಮೋದಿ ಹಾಗೂ ಸಚಿವ ಜೇಟ್ಲಿ ಅವರೇ, ಸುಳ್ಳು ಹೇಳುವುದನ್ನು ನಿಲ್ಲಿಸಿ. ರಫೇಲ್‌ ಡೀಲ್‌ ಕುರಿತು ಜಂಟಿ ಸಂಸದೀಯ ಸಮಿತಿಯಿಂದ ತನಿಖೆ ನಡೆಸಿ, ಸತ್ಯ ಹೊರಬರುವಂತೆ ಮಾಡಲಿ’ ಎಂದು ಆಗ್ರಹಿಸಿದ್ದಾರೆ. ‘ಸಮರ್ಥಿಸಿಕೊಳ್ಳಲು ಅನರ್ಹವಾದದ್ದನ್ನೂ ಸಮರ್ಥಿಸಿಕೊಳ್ಳುವಂಥ ಕ್ರೋಧದ ಮೂಲಕ 2 ಸತ್ಯ ಅಥವಾ ಸುಳ್ಳುಗಳನ್ನು ತಿರುಚುವ ಸಾಮರ್ಥ್ಯ ಜೇಟ್ಲಿಗಿದೆ. ಸುಳ್ಳು ಹೇಳುವುದನ್ನು ನಿಲ್ಲಿಸುವ ಸಮಯ ಬಂದಿದೆ’ ಎಂದೂ ರಾಹುಲ್‌ ಟ್ವೀಟ್‌ ಮಾಡಿದ್ದಾರೆ.