ಜಗ್ಗೇಶ್‌ ನಾಯಕರಾಗಿರುವ “ತೋತಾಪುರಿ’ ಚಿತ್ರದ ಆಡಿಯೋ ಟೀಸರ್‌ ಮೊನ್ನೆಯಷ್ಟೇ ಬಿಡುಗಡೆಯಾಗಿದ್ದು, ನಿಮಗೆ ಗೊತ್ತಿರಬಹುದು. ಟೀಸರ್‌ ಝಲಕ್‌ಗೆ ಎಲ್ಲೆಡೆಯಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಫ‌ುಲ್‌ ವಿಡಿಯೋ ಸಾಂಗ್‌ ಯಾವಾಗ ಬಿಡುತ್ತೀರಿ ಎಂಬ ಪ್ರಶ್ನೆಗಳು ಚಿತ್ರತಂಡಕ್ಕೆ ಎದುರಾಗಿವೆ. ಹೀಗಾಗಿ ಚಿತ್ರತಂಡ ಈಗ ಚಿತ್ರ ಜ.31ರಂದು ವಿಡಿಯೋ ಸಾಂಗ್‌ ಬಿಡಲು ನಿರ್ಧರಿಸಿದೆ.
“ಬಾಗ್ಲು ತೆಗಿ ಮೇರಿ ಜಾನ್‌…’ ಎಂದು ಶುರುವಾಗುವ ಈ ಹಾಡಿಗೆ ಕೇಳುಗರು ಫಿದಾ ಆಗುವ ವಿಶ್ವಾಸ ಚಿತ್ರತಂಡದ್ದು. ಅನೂಪ್‌ ಸೀಳಿನ್‌ ಸಂಗೀತ, ಜಗ್ಗೇಶ್‌ ಹಾಗೂ ಅದಿತಿ ಜೋಡಿ ಮೋಡಿ ಮಾಡಲಿದೆ.
ಗೋವಿಂದಾಯ ನಮಃ ಸಿನಿಮಾದ ನಿರ್ಮಾಪಕ ಕೆ.ಎ.ಸುರೇಶ್‌ ಈ ಚಿತ್ರವನ್ನು ಮೋನಿಫ್ಲಿಕ್ಸ್‌ ಸ್ಟುಡಿಯೋಸ್‌ ಬ್ಯಾನರ್‌ ಅಡಿಯಲ್ಲಿ ನಿರ್ಮಿಸಿದ್ದಾರೆ. ಆ ಚಿತ್ರದ “ಪ್ಯಾರ್‌ಗೆ ಆಗ್ಬುಟೈತೆ…’ ಹಾಡು ಇಂದಿಗೂ ಸೂಪರ್‌ ಹಿಟ್‌ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಇದೀಗ “ಬಾಗ್ಲು ತೆಗಿ ಮೇರಿ ಜಾನ್‌’ ಕನ್ನಡದ ಬಹುತೇಕ ಹಿಟ್‌ ಹಾಡುಗಳ ಹಿಟ್‌ ಆಗಲಿದೆ ಎಂಬ ವಿಶ್ವಾಸ ಚಿತ್ರತಂಡದ್ದು.
ಇದನ್ನೂ ಓದಿ:ಮಾಫಿಯಾ ಟೀಸರ್‌ ಗೆ ಮೆಚ್ಚುಗೆ: ನಿರೀಕ್ಷೆ ಹೆಚ್ಚಿಸುತ್ತಿದೆ ಪ್ರಜ್ವಲ್‌ ಚಿತ್ರ
ಜಗ್ಗೇಶ್‌ ಜೋಡಿಯಾಗಿ ಅದಿತಿ ಪ್ರಭುದೇವ ಇದ್ದಾರೆ. “ಡಾಲಿ’ ಧನಂಜಯ್‌ ಜೊತೆ ಸುಮನ್‌ ರಂಗನಾಥ್‌ ನಟಿಸಿದ್ದಾರೆ. ಉಳಿದ ತಾರಾಬಳಗದಲ್ಲಿ ದತ್ತಣ್ಣ, ವೀಣಾ ಸುಂದರ್‌ ಹೇಮಾದತ್‌ ಸೇರಿದಂತೆ ನೂರಾರು ಕಲಾವಿದರು ಅಭಿನಯಿಸಿದ್ದಾರೆ. “ತೋತಾಪುರಿ’ ಭಾಗ 1 ಮತ್ತು ಭಾಗ 2 ರೂಪದಲ್ಲಿ ಬಿಡುಗಡೆಯಾಗಲಿದೆ.
