Gowri Shankara: ಸೆಟ್ಟೇರಿತು ಹೊಸಬರ ಗೌರಿ ಶಂಕರ

ಹೊಸಬರ “ಗೌರಿ ಶಂಕರ’ ಚಿತ್ರ ಇತ್ತೀಚೆಗೆ ಸೆಟ್ಟೇರಿದೆ. ಮಹೇಶ್‌ ಚಿನ್ಮಯಿ ಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಶುಭ ಫಿಲಂ ಫ್ಯಾಕ್ಟರಿ ಅಂಡ್‌ ಟೀಂ ನಿರ್ಮಾಣ ಮಾಡುತ್ತಿದೆ.

ಗೋಲ್ಡ್ ಮೆಡಲ್‌ ಪಡೆದ ಹುಡುಗನೊಬ್ಬನಿಗೆ, ಆತನ ಅರ್ಹತೆಗೆ ತಕ್ಕಂತೆ ಉದ್ಯೋಗ ಸಿಗುವುದಿಲ್ಲ. ಇದರಿಂದ ಮನನೊಂದು ತನ್ನ ಬುದ್ಧಿ ಶಕ್ತಿಯಿಂದ ಜೀವನದಲ್ಲಿ ಹೇಗೆ ಮುಂದೆ ಬರುತ್ತಾನೆ? ಇತರರಿಗೆ ಯಾವ ರೀತಿ ಮಾರ್ಗ ರೂಪಿಸುತ್ತಾನೆ ಎಂಬುದು ಚಿತ್ರದ ಸಾರಾಂಶ.

ಚಿತ್ರದಲ್ಲಿ ಸುನಿಲ್‌ ಭಂಗಿ, ಅಭಿಷೇಕ್‌, ಕುಸುಮ, ಪ್ರಿಯಾ ನಾಗಣ್ಣ ಇವರೊಂದಿಗೆ ಹಿರಿಯ ಕಲಾವಿದರಾದ ಬಿರಾದಾರ್‌, ಗುರುರಾಜ ಹೊಸಕೋಟೆ, ಕಿಲ್ಲರ್‌ ವೆಂಕಟೇಶ್‌, ಭವ್ಯಾ ಮುಂತಾದವರು ನಟಿಸುತ್ತಿದ್ದಾರೆ. ಶಿವಮೊಗ್ಗ, ತೀರ್ಥಹಳ್ಳಿ, ಸಾಗರ, ಜೋಗ, ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲು ತಂಡವು ಯೋಜನೆ ರೂಪಿಸಿಕೊಂಡಿದೆ.