Kiran Raj: ಸೂಪರ್‌ ಹೀರೋ ಆಗಲಿದ್ದಾರೆ ಕಿರಣ್‌ ರಾಜ್‌

ನಟ ಕಿರಣ್‌ ರಾಜ್‌ ಹೊಸದೇ ನನ್ನೋ ಪ್ರಯತ್ನಿಸುತ್ತಲೇ ಇರುತ್ತಾರೆ. ಇತ್ತೀಚೆಗಷ್ಟೇ “ರಾನಿ’ ಚಿತ್ರದಲ್ಲಿ ಆ್ಯಕ್ಷನ್‌ ಲುಕ್‌ನಲ್ಲಿ ಕಾಣಿಸಿ ಕೊಂಡಿರುವ ಕಿರಣ್‌ ಈಗ ಸೂಪರ್‌ ಹೀರೋ ಆಗಲು ರೆಡಿಯಾಗಿದ್ದಾರೆ. ಅದು ಅವರ ಹೊಸ ಚಿತ್ರದಲ್ಲಿ.

ಅದಕ್ಕಾಗಿ ತೆರೆಮರೆಯಲ್ಲಿ ತಯಾರಿ ಜೋರಾಗಿ ನೆಡೆಸುತ್ತಿದ್ದಾರೆ. ಈ ಪಾತ್ರದ ವಿಶೇಷ ತರಬೇತಿಗಾಗಿ ಕಿರಣ್‌ ರಾಜ್‌ ವಿದೇಶಕ್ಕೆ ತೆರಳಲಿದ್ದಾರೆ.

ಇನ್ನು ಈ ನೂತನ ಚಿತ್ರಕ್ಕೆ ರಾನಿ ನಿರ್ದೇಶಕ ಗುರುತೇಜ್‌ ಶೆಟ್ಟಿ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಸನಾತನ ಧರ್ಮದ ಹಿನ್ನೆಲೆಯ ಕಥಾ ಹಂದರ ಈ ಚಿತ್ರ ದಲ್ಲಿರುತ್ತದೆ. ಶೀರ್ಷಿಕೆ, ತಾರಾ ಬಳಗ ಹಾಗೂ ತಾಂತ್ರಿಕವರ್ಗ ಇನ್ನಷ್ಟೇ ಅಂತಿಮವಾಗಬೇಕಿದೆ.