ಶೌಚಾಲಯ ಇದ್ರೆ ಮಾತ್ರ ಅಂಕಪಟ್ಟಿ!

ದಿನಾಜ್‌ಪುರ್‌ (ಪ. ಬಂಗಾಲ): ನಿಮ್ಮ ಮಕ್ಕಳು ಶಾಲೆಯಲ್ಲಿ ಓದುತ್ತಿದ್ದಾ ರೆಯೇ? ಅವರ ವಾರ್ಷಿಕ ಪರೀಕ್ಷೆ ಮುಗಿದ ನಂತರ ಅವರ ಅಂಕಪಟ್ಟಿ ನಿಮಗೆ ಬೇಕಿದೆಯೇ? ಹಾಗಿದ್ದರೆ, ನಿಮ್ಮ ಮನೆಯಲ್ಲಿ ಶೌಚಾಲಯ ಇರುವುದನ್ನು ಮೊದಲು ಖಾತ್ರಿಪಡಿಸಿ. ಆ ಬಗ್ಗೆ ದಾಖಲೆ ಸಲ್ಲಿಸಿದರೆ ಮಾತ್ರ ನಿಮ್ಮ ಮಕ್ಕಳ ಅಂಕಪಟ್ಟಿ ನಿಮಗೆ ಸಿಗುತ್ತದೆ!

ವಿಚಿತ್ರ ಎನಿಸುವ ಇಂಥದ್ದೊಂದು ಆದೇಶವನ್ನು ಪಶ್ಚಿಮ ಬಂಗಾಲದ ಪಶ್ಚಿಮ ದಿನಜ್‌ಪುರ್‌ ಜಿಲ್ಲೆಯ ಶಾಲಾ ಮಂಡಳಿ ಹೊರಡಿಸಿದೆ. ಪಶ್ಚಿಮ ಬಂ ಗಾಳ ಸರಕಾರದ “ನಿರ್ಮಲ ಬಂಗಾಲ ಮಿಷನ್‌’ ಯೋಜನೆಗೆ ಕೈ ಜೋಡಿಸುವ ಉದ್ದೇಶದಿಂದ ಈ ಆದೇಶ ಹೊರಡಿ ಸಲಾಗಿದೆ. ಮಕ್ಕಳ ಪಾಲಕರು ತಮ್ಮ ಮನೆಗಳಲ್ಲಿರುವ ಶೌಚಾಲಯಗಳ ಬಗ್ಗೆ ಸಂಬಂಧಪಟ್ಟ   ಪಂಚಾಯತ್‌ಗಳಿಂದ ದೃಢೀಕರಣದ ದಾಖಲೆ ಸಲ್ಲಿಸಬೇಕಿದೆ.