TMC; 2 ರೋಡ್‌ ಶೋಗಳಲ್ಲಿ 9 ಕಿ.ಮೀ. ನಡೆದ ಮಮತಾ ಬ್ಯಾನರ್ಜಿ

ಕೋಲ್ಕತಾ: ಪಶ್ಚಿಮ ಬಂಗಾಲದಲ್ಲಿ ಮಂಗಳವಾರ ನಡೆದ 2 ಚುನಾವಣೆ ರೋಡ್‌ ಶೋನಲ್ಲಿ ಸಿಎಂ ಮತ್ತು ಟಿಎಂಸಿ ನಾಯಕಿ ಮಮತಾ ಬ್ಯಾನರ್ಜಿ 9 ಕಿ.ಮೀ. ಕಾಲ್ನಡಿಗೆಯಲ್ಲಿ ನಡೆದು ಮತಯಾಚಿಸಿದ್ದಾರೆ. ಡಮ್‌ಡಮ್‌ ಹಾಗೂ ದಕ್ಷಿಣ ಕೋಲ್ಕತಾ ಕ್ಷೇತ್ರಗಳಲ್ಲಿ ಪಕ್ಷಗಳ ಅಭ್ಯರ್ಥಿಗಳ ಪರ ಪ್ರಚಾರ ನಡೆಸಿದರು.

5 ಕಿ.ಮೀ. ದೂರದ ಮೊದಲ ರೋಡ್‌ ಶೋ ಬಿರತಿಯಿಂದ ಆರಂಭವಾಗಿ ಏರ್‌ಪೋರ್ಟ್‌ ಗೇಟ್‌ನಲ್ಲಿ ಮುಕ್ತಾಯ ಗೊಂಡಿತು. 2ನೇ ರೋಡ್‌ ಶೋ ಎಂಟ್ಯಾಲಿ ಮಾರ್ಕೆಟ್‌ನಿಂದ ಬಾಲಿಗಂಜ್‌ವರೆಗೆ 4 ಕಿ.ಮೀ. ಅಂತರವನ್ನು ಸಂಚರಿಸಿತು. 9 ಕಿ.ಮೀ. ಅಂತರದ ಎರಡೂ ರೋಡ್‌ ಶೋನಲ್ಲಿ ಸಿಎಂ ಮಮತಾ ಬ್ಯಾನರ್ಜಿ ಕಾಲ್ನಡಿಗೆಯಲ್ಲೇ ಸಾಗಿದರು. ಈ ಸಂದರ್ಭದಲ್ಲಿ ಅವರು ರಸ್ತೆ ಬದಿಯಲ್ಲಿ ಇದ್ದ ಸಾರ್ವಜನಿಕರನ್ನು ಭೇಟಿಯಾಗಿ ಕುಶಲ ವಿಚಾರಿಸಿದರು. ಕೆಲವರ ಜತೆಗೆ ಕೈಕುಲುಕಿದರು.