ಹಾವು ಕಚ್ಚಿ ಒಂದೇ ಕುಟುಂಬದ ಮೂವರು ಮಹಿಳೆಯರ ಸಾವು

ಬರೇಲಿ, ಉತ್ತರ ಪ್ರದೇಶ : ಇಲ್ಲಿನ ಭುತಾ ಪ್ರದೇಶದ ಅಹಿರೌಲಾ ಗ್ರಾಮದಲ್ಲಿ ಹಾವು ಕಚ್ಚಿ ಒಂದೇ ಕುಟುಂಬದ ಮೂವರು ಮಹಿಳೆಯರು ಮೃತಪಟ್ಟ ದಾರುಣ ಘಟನೆ ನಡೆದಿದೆ. 

ಧ್ರುಪಾ ದೇವಿ 70, ಆಶಾ ದೇವಿ 50 ಮತ್ತು  ಬೇಬಿ 32 ಎಂಬ ಮಹಿಳೆಯರು ತಮ್ಮ ಮನೆಯಲ್ಲಿ ನಿನ್ನೆ ಬುಧವಾರ ರಾತ್ರಿ ಮಲಗಿಕೊಂಡಿದ್ದಾಗ ಅವರಿಗೆ ಹಾವು ಕಚ್ಚಿತು. 

ತೀವ್ರವಾಗಿ ಅಸ್ವಸ್ಥರನ್ನು ಒಡನೆಯೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಅಲ್ಲಿ ಅವರು ಚಿಕಿತ್ಸೆ ಫ‌ಲಕಾರಿಯಾಗದೆ ಮೃತಪಟ್ಟರು ಎಂದು ಪೊಲೀಸರು ತಿಳಿಸಿದ್ದಾರೆ.