Pakistan; ಡಕಾಯಿತರಿಂದ 3 ಹಿಂದೂ ಯುವಕರ ಅಪಹರಣ

ಲಾಹೋರ್‌: ಪಾಕಿಸ್ಥಾನದ ಪಂಜಾಬ್‌ ಪ್ರಾಂತದಲ್ಲಿ 3 ಹಿಂದೂ ನಾಗರಿಕರನ್ನು ಡಕಾಯಿತರ ತಂಡವೊಂದು ಅಪಹರಿಸಿದೆ. ರಹೀಮ್‌ ಯಾರ್‌ ಖಾನ್‌ ಜಿಲ್ಲೆಯ ಭೋಂಗ್‌ ನಲ್ಲಿ ಘಟನೆ ನಡೆದಿದ್ದು, ಬಂದೂಕು ತೋರಿಸಿ ಡಕಾಯಿತರು ಅಪಹರಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಬಗ್ಗೆ ವೀಡಿಯೋ ಬಿಡುಗಡೆ ಮಾಡಿದ ಡಕಾಯಿತರ ಮುಖ್ಯಸ್ಥ, ಇತ್ತೀಚೆಗೆ ಬಂಧಿಸಲಾಗಿರುವ ತನ್ನ ಕುಟುಂಬದ 10 ಸದಸ್ಯರನ್ನು ಬಿಡುಗಡೆ ಮಾಡಬೇಕು. ಇಲ್ಲದಿದ್ದಲ್ಲಿ ಯುವಕರನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದಾನೆ.