ಪ್ಯಾರಿಸ್‌: ಅರ್ಜೆಂಟೀನ ಫುಟ್ಬಾಲ್ ತಂಡದ ನಾಯಕ, ಪ್ಯಾರಿಸ್‌ ಸೇಂಟ್‌ ಜರ್ಮನ್‌ನ ಪ್ರಮುಖ ಆಟಗಾರ ಲಯೋನೆಲ್‌ ಮೆಸ್ಸಿ ಹೋಟೆಲ್‌ ಕೊಠಡಿಯಲ್ಲಿ ಕಳ್ಳತನವಾಗಿದೆ.
ಪ್ಯಾರಿಸ್‌ನಲ್ಲಿ ಅವರು ಉಳಿದುಕೊಂಡಿದ್ದ ರಾಯಲ್‌ ಮಾನ್‌ ಕಾವು ಹೋಟೆಲ್‌ ಕೊಠಡಿಯಲ್ಲಿದ್ದ ಸಾವಿರಾರು ಪೌಂಡ್‌ ಹಣ, ಭಾರೀ ಬೆಲೆ ಬಾಳುವ ಆಭರಣಗಳನ್ನು ದೋಚಲಾಗಿದೆ. ಬರೀ ಅವರ ಕೊಠಡಿ ಮಾತ್ರವಲ್ಲ ಅಕ್ಕಪಕ್ಕದ ನಾಲ್ಕು ಕೊಠಡಿಗಳಲ್ಲೂ ಕಳ್ಳತನವಾಗಿದೆ! ಮೆಸ್ಸಿ ಉಳಿದುಕೊಂಡಿದ್ದ ಹೋಟೆಲ್‌ನಲ್ಲೇ ಈ ಪರಿಸ್ಥಿತಿಯಾದರೆ, ಅಲ್ಲಿನ ಭದ್ರತಾವ್ಯವಸ್ಥೆಯ ಬಗ್ಗೆಯೇ ಅನುಮಾನ ಮೂಡಿದೆ.
ಇದನ್ನೂ ಓದಿ:ಟಾಟಾಗೇ ಏರ್‌ ಇಂಡಿಯಾ? ನಷ್ಟದಲ್ಲಿರುವ ಸರಕಾರಿ ವಿಮಾನ ಸಂಸ್ಥೆ ಮಾರಾಟ ನಿರ್ಣಾಯಕ ಘಟ್ಟಕ್ಕೆ
ಸದ್ಯದ ಅಂದಾಜಿನ ಪ್ರಕಾರ ಕಳ್ಳರು ಕಟ್ಟಡವನ್ನು ಹೊರಗಿನಿಂದ ಪೂರ್ಣವಾಗಿ ಅಳೆದಿದ್ದಾರೆ. ಅನಂತರ ಮೇಲ್ಭಾವಣಿಯಿಂದ ಕೆಳಕ್ಕಿಳಿದಿದ್ದಾರೆ. ಬಾಲ್ಕನಿಯ ಮೂಲಕ ಕೋಣೆಗಳಿಗೆ ನುಗ್ಗಿದ್ದಾರೆ. ಬಹಳ ಜಾಣತನದಿಂದ ಎಸಗಿರುವ ಕೃತ್ಯದ ಮೂಲಕ ಭಾರೀ ಲೂಟಿ ಮಾಡಿದ್ದಾರೆ.
ಪೊಲೀಸರು ಬ್ಯಾಗ್‌ ಹಿಡಿದುಕೊಂಡಿದ್ದ ಇಬ್ಬರನ್ನು ಸಿಸಿಟೀವಿಗಳಲ್ಲಿ ನೋಡಿದ್ದಾರೆ. ಆದರೆ ಅವರ ಗುರುತೇ ಪತ್ತೆಯಾಗಿಲ್ಲ! ಇಲ್ಲಿ ಭಾರೀ ಭದ್ರತಾಲೋಪವಾಗಿದೆ, ಅನುಭವಿ ಗುಂಪೊಂದು ಕಳ್ಳತನ ಮಾಡಿರುವ ಕುರಿತು ಸುಳಿವು ಲಭಿಸಿದೆ
