ಮನೆ ಕೀಲಿ ಮುರಿದು ಚಿನ್ನ ಮತ್ತು ನಗದು ಕಳ್ಳತನ

ಗದಗ: ಮನೆಯ ಬೀಗ ಮುರಿದು 55 ಗ್ರಾಂ. ಚಿನ್ನಾಭರಣ ಹಾಗೂ 20 ಸಾವಿರ ರೂ. ನಗದು ಕಳ್ಳತನ ಮಾಡಿರುವ ಘಟನೆ ಮುಂಡರಗಿ ತಾಲೂಕಿನ ಡಂಬಳ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರ ವಸತಿ ಬಡಾವಣೆಯ ಮಮತಾಜ್ ಬಸವರಾಜ್ ಚಿಂತಗುಂಡಿ ಎಂಬುವರ ಮನೆಯಲ್ಲಿ ಈ ಕಳವು ಘಟನೆ ನಡೆದಿರುವುದು ವರದಿಯಾಗಿದೆ.

ಆ. 17ರಂದು ಸಂಜೆ ಮನೆಗೆ ಕೀಲಿ ಹಾಕಲಾಗಿತ್ತು, ಮರುದಿನ ಬೆಳಗ್ಗೆ 11 ಗಂಟೆಗೆ ಬಂದು ನೋಡಿದಾಗಲೇ ಕೃತ್ಯ ಬೆಳಕಿಗೆ ಬಂದಿದೆ.

ಮನೆಯಲ್ಲಿ ಯಾರೂ ಇಲ್ಲದಿದ್ದರಿಂದ ಕಳ್ಳರು ಕೀಲಿ ಮುರಿದು, ಒಳ ಪ್ರವೇಶಿಸಿದ್ದು, ಕಪಾಟಿನಲ್ಲಿದ್ದ 1.37 ಲಕ್ಷ ರೂ. ಮೌಲ್ಯದ 55 ಗ್ರಾಂ. ಚಿನ್ನಾಭರಣ ಹಾಗೂ 20 ಸಾವಿರ ರೂ. ಕಳ್ಳತನ ಮಾಡಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಈ ಕುರಿತು ಮಮತಾಜ್ ಚಿಂತಗುಂಡಿ ನೀಡಿರುವ ದೂರಿನ ಅನ್ವಯ ಮುಂಡರಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.