ವೇ ಬ್ರಿಡ್ಜ್ ತೂಕದ ಕಲ್ಲು ಕಳ್ಳತನ ಮಾಡುತ್ತಿದ್ದ ವ್ಯಕ್ತಿ ಬಂಧನ

ಕುಣಿಗಲ್: ತೂಕದ ಕಲ್ಲು ಕಳ್ಳತನ ಮಾಡುತ್ತಿದ್ದ ವ್ಯಕ್ತಿಯನ್ನು ವೇ ಬ್ರಿಡ್ಜ್ ಕೆಲಸಗಾರರುಹಿಡಿದು ಪೊಲೀಸರ ವಶಕ್ಕೆ  ನೀಡಿರುವ ಘಟನೆ ಪಟ್ಟಣದ ಹೊರ ವಲಯದ ಕೊತ್ತಿಪುರ ವೇ ಬ್ರಿಡ್ಜ್ ನಲ್ಲಿ ಸೋಮವಾರ  ನಡೆದಿದೆ.

ತುಮಕೂರು ತಾಲೂಕು, ಹೆಬ್ಬೂರು ಹೋಬಳಿ ಚನ್ನವಳ್ಳಿ ಗ್ರಾಮದ ನಿವಾಸಿ ಲೋಕೇಶ್ (34) ಎಂಬಾತ ಪೊಲೀಸರ ಅತಿಥಿಯಾಗಿದ್ದಾನೆ.

ಕೊತ್ತಿಪುರ ವೇ ಬ್ರಿಡ್ಜ್ ನಲ್ಲಿ ತೂಕದ ಕಲ್ಲು ಕಳ್ಳತನ ಮಾಡುವಾಗ ವೇ ಬ್ರಿಡ್ಜ್ ನ ಕೆಲಸಗಾರರೊಬ್ಬರು ನೋಡಿದ್ದಾರೆ. ಈ ವೇಳೆ ಲೋಕೇಶ್  ತೂಕದ ಕಲ್ಲು ಎಸೆದು ಪರಾರಿಯಾಗಲು ಯತ್ನಿಸಿದ್ದು, ಕೂಡಲೇ ಆತನನ್ನು ಹಿಡಿದು  ಪೊಲೀಸರ ವಶಕ್ಕೆ ಒಪ್ಪಿಸಿದ್ದಾರೆ. ಈ ಸಂಬಂಧ ವೇ ಬ್ರಿಡ್ಜ್ ಮಾಲೀಕ ರಾಜು ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಬೈತಡ್ಕ ಪ್ರಕರಣ: ಅಪಘಾತವೆಂದು ಕರೆ ಮಾಡಿದ್ದು11.52ಕ್ಕೆ, ಆದರೆ ಕಾರು ಬಿದ್ದದ್ದು 12.02ಕ್ಕೆ