Kunigal:ಮನೆಗೆ ನುಗ್ಗಿದ ದುಷ್ಕರ್ಮಿಗಳು; ರಾಡ್ ನಿಂದ ತಲೆಗೆ ಹೊಡೆದು ಮಾಂಗಲ್ಯಸರ ದೋಚಿ ಪರಾರಿ

ಕುಣಿಗಲ್: ದುಷ್ಕರ್ಮಿಗಳು ಮನೆಗೆ ನುಗ್ಗಿ ಮಹಿಳೆಯ ತಲೆಗೆ ರಾಡ್ ನಿಂದ ಹಲ್ಲೆ‌ ನಡೆಸಿ ಚಿನ್ನದ  ಮಾಂಗಲ್ಯ ಸರ ಕಸಿದುಕೊಂಡು ಪರಾರಿಯಾಗಿರುವ ಘಟನೆ ತಾಲೂಕಿನ ಕಸಬಾ ಹೋಬಳಿ ಹಿಡಿಗರ ಪಾಳ್ಯ ಗ್ರಾಮದಲ್ಲಿ ಜ.5ರ ಭಾನುವಾರ ಬೆಳಗ್ಗೆ ನಡೆದಿದೆ.

ಹಿಡಿಗರಪಾಳ್ಯ ಗ್ರಾಮದ ರುಕ್ಮಿಣಿ (26) ರಾಡ್‌ ನಿಂದ ಹಲ್ಲೆಗೆ ಒಳಗಾದ ಮಹಿಳೆ.

ಘಟನೆ ವಿವರ: ರುಕ್ಮಿಣಿ ಪತಿ ಮಾರೇಗೌಡ ಬೆಳಗ್ಗೆ ಸುಮಾರು 5.30 ರ ಸಮಯಕ್ಕೆ ಲಕ್ಷ್ಮಿಪುರ ಗ್ರಾಮದ ಹಾಲಿನ ಡೈರಿಗೆ ತೆರಳಿದ್ದ ವೇಳೆ ಮನೆಯಲ್ಲಿ ರುಕ್ಮಿಣಿ ಹಾಗೂ ಇಬ್ಬರು ಸಣ್ಣ ಮಕ್ಕಳು ಇದ್ದರು.

ಈ ವೇಳೆ ಮನೆಗೆ ನುಗ್ಗಿದ ಕಳ್ಳರು ರುಕ್ಮಿಣಿಯ ಹಿಂಬಾಗದ ತಲೆಗೆ ರಾಡ್ ನಿಂದ ಹೊಡೆದು ಆಕೆಯ ಕತ್ತಿನಲ್ಲಿದ್ದ ಲಕ್ಷಾಂತ ರೂ. ಬೆಲೆ ಬಾಳುವ 55 ಗ್ರಾಂ. ಚಿನ್ನದ ಸರವನ್ನು ಕಸಿದು ಪರಾರಿಯಾಗಿದ್ದಾರೆ.