ವನಿತಾ ಚಾಲೆಂಜರ್ ಸರಣಿ ಮೂರು ತಂಡಗಳು ಪ್ರಕಟ

ಇಂದೋರ್‌: ಮುಂಬರಲಿರುವ “ವುಮೆನ್ಸ್‌ ಚಾಲೆಂಜರ್ ಸೀರಿಸ್‌’ಗೆ ಬಿಸಿಸಿಐ 3 ತಂಡಗಳನ್ನು ಪ್ರಕಟಿಸಿದೆ. ತಂಡಗಳು° ಇಂಡಿಯಾ ರೆಡ್‌, ಇಂಡಿಯಾ ಬ್ಲೂ ಮತ್ತು ಇಂಡಿಯಾ ಗ್ರೀನ್‌ ಎಂದು ಹೆಸರಿಸಲಾಗಿದೆ. ಈ ತಂಡಗಳು ಜ. 4ರಿಂದ 8ರ ವರೆಗೆ ಇಂದೋರ್‌ನಲ್ಲಿ ನಡೆಯುವ ಏಕದಿನ ಸರಣಿಯಲ್ಲಿ ಸೆಣಸಲಿವೆ.

ಈ ಸರಣಿಯಲ್ಲಿ ಪ್ರತಿ ತಂಡವೂ ಉಳಿದೆರಡು ತಂಡಗಳ ವಿರುದ್ಧ ಸೆಣಸಾಡಲಿದೆ. ಅಧಿಕ ಅಂಕ ಸಂಪಾದಿಸಿದ 2 ತಂಡಗಳು ಫೈನಲ್‌ ಪ್ರವೇಶಿಸಲಿವೆ. ಜ. 4ರಂದು ರೆಡ್‌-ಬ್ಲೂ, ಜ. 5 ರಂದು ಗ್ರೀನ್‌-ರೆಡ್‌, ಜ. 6 ರಂದು ಬ್ಲೂ-ಗ್ರೀನ್‌ ತಂಡಗಳ ನಡುವೆ ಪಂದ್ಯ ನಡೆಯಲಿದೆ. ಜ. 8ರಂದು ಫೈನಲ್‌ ಏರ್ಪಡಲಿದೆ.

ಬಿಗ್‌ ಬಾಶ್‌ ಲೀಗ್‌ನಲ್ಲಿ ಆಡುತ್ತಿರುವ ಹರ್ಮನ್‌ಪ್ರೀತ್‌ ಕೌರ್‌ ಮತ್ತು ವೇದಾ ಕೃಷ್ಣಮೂರ್ತಿ ಅವರನ್ನು ಈ ಸರಣಿಗೆ ಪರಿ ಗಣಿಸಲಾಗಿಲ್ಲ.

ತಂಡಗಳು: 
ಇಂಡಿಯಾ ಬ್ಲೂ: 
ಸ್ಮತಿ ಮಂಧನಾ (ನಾಯಕಿ), ವಿ.ಆರ್‌. ವನಿತಾ, ಮೋನಾ ಮೆಶ್ರಮ್‌, ತನುಶ್ರೀ ಸರ್ಕಾರ್‌, ತನಿಯಾ ಭಾಟಿಯಾ, ಡಿ. ಹೇಮಲತಾ, ರಾಜೇಶ್ವರಿ ಗಾಯಕ್ವಾಡ್‌, ರಾಧಾ ಯಾದವ್‌, ಜೂಲನ್‌ ಗೋಸ್ವಾಮಿ, ಪೂಜಾ ವಸ್ತ್ರಾಕರ್‌, ಸೋನಿ ಯಾದವ್‌, ನೀನು ಚೌಧರಿ, ಪ್ರತ್ಯುಶಾ ಸಿ.

ಇಂಡಿಯಾ ರೆಡ್‌: 
ಮಿಥಾಲಿ ರಾಜ್‌ (ನಾಯಕಿ), ದೀಪ್ತಿ ಶರ್ಮ, ಪ್ರಿಯಾ ಪೂನಿಯಾ, ನೇಹಾ ತನ್ವಾರ್‌, ನಿಶು ಚೌದರಿ, ಸುಷ್ಮಾ ವರ್ಮ, ಪ್ರಿಯಾಂಕಾ ಪ್ರಿಯದರ್ಶಿನಿ, ಟಿ.ಪಿ. ಕನ್ವಾರ್‌, ಪೂನಮ್‌ ಯಾದವ್‌, ಮಾನ್ಸಿ ಜೋಶಿ, ಸುಕನ್ಯಾ ಪರೀದಾ, ಮನಾಲಿ ದಕ್ಷಿಣಿ, ಭಾರ್ತಿ ಫ‌ುಲ್ಮಾಲಿ.

ಇಂಡಿಯಾ ಗ್ರೀನ್‌: 
ಅನುಜಾ ಪಾಟೀಲ್‌ (ನಾಯಕಿ), ಜೆಮಿಮಾ ರೋಡ್ರಿಗಸ್‌, ಪೂನಮ್‌ ವೈದ್ಯ, ದೇವಕಿ ವೈದ್ಯ, ಮೋನಿಕಾ ದಾಸ್‌, ನಜತ್‌ ಪರ್ವೀನ್‌, ಅದಿಲಾ ಖಾನಮ್‌, ಏಕ್ತಾ ಬಿಷ್ಟ್,  ಪ್ರೀತಿ ಭೋಸ್‌, ಶಿಖಾ ಪಾಂಡೆ, ಮೇಘನಾ ಸಿಂಗ್‌, ಶಾಂತಿ ಕುಮಾರಿ, ಎಸ್‌. ಆಶಾ.