Dublin; ಆಸೀಸ್‌ ಸರಣಿ ಮುಂದೂಡಿದ ಐರ್ಲೆಂಡ್‌

ಡಬ್ಲಿನ್‌: ಆಸ್ಟ್ರೇಲಿಯ ವಿರುದ್ಧ ಆಗಸ್ಟ್‌ನಲ್ಲಿ ಆಡಬೇಕಿದ್ದ ಏಕದಿನ ಮತ್ತು ಟಿ20 ಸರಣಿಗಳನ್ನು ಐರ್ಲೆಡ್‌ ಕ್ರಿಕೆಟ್‌ ಮಂಡಳಿ ಮುಂದೂಡಿದೆ. ಇದಕ್ಕೆ ಆರ್ಥಿಕ ಸಂಕಷ್ಟವೇ ಕಕಾರಣ.

3 ಪಂದ್ಯಗಳ ಏಕದಿನ ಮತ್ತು ಟಿ20 ಸರಣಿಯಲ್ಲಿ ಪಾಲ್ಗೊಳ್ಳಲು, ಆಸ್ಟ್ರೇಲಿಯ ಕ್ರಿಕೆಟ್‌ ತಂಡ ಆಗಸ್ಟ್‌ನಲ್ಲಿ ಐರ್ಲೆಂಡ್‌ಗೆ ಪ್ರವಾಸ ಬರಬೇಕಿತ್ತು. ಆದರೆ ಆರ್ಥಿಕ ಸಂಕಷ್ಟ ಎದುರಾಗುವ ಸಾಧ್ಯತೆಯಿಂದಾಗಿ ಈ ಉದ್ದೇಶಿತ ಸರಣಿಗಳನ್ನು ಮುಂದೂಡಲು ನಿರ್ಧರಿಸಲಾಗಿದೆ ಎಂದು ಐರ್ಲೆಂಡ್‌ ಕ್ರಿಕೆಟ್‌ನ ಮುಖ್ಯಸ್ಥ ವಾರೆನ್‌ ಡ್ನೂಟ್ರೋಮ್‌ ಹೇಳಿದ್ದಾರೆ.