ಕ್ರಿಕೆಟಿಗ ಗಂಭೀರ್‌ರಿಂದ ಅಂಗಾಂಗ ದಾನದ ವಾಗ್ಧಾನ

ನವದೆಹಲಿ: ಅಂಗಾಂಗ ದಾನ ಜಾಗೃತಿ ಅಭಿಯಾನಕ್ಕೆ ಕ್ರಿಕೆಟಿಗ ಗೌತಮ್‌ ಗಂಭೀರ್‌ ಕೈ ಜೋಡಿಸಿದ್ದಾರೆ. ಸ್ವತಃ ಅಂಗಾಂಗ ದಾನದ ವಾಗ್ಧಾನ ಮಾಡಿ ಇತರರಿಗೆ ಪ್ರೇರಣೆಯಾಗಿದ್ದಾರೆ. ದಿಲ್ಲಿಯ ಇಂದ್ರಪ್ರಸ್ಥ ಅಪೊಲೋ ಆಸ್ಪತ್ರೆಯಲ್ಲಿ ನಡೆದ ಜಾಗೃತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಗಂಭೀರ್‌ ಮಾತನಾಡಿದರು. ಇಂತಹದೊಂದು ಕಾರ್ಯದಲ್ಲಿ ಕೈ ಜೋಡಿಸುತ್ತಿರುವುದಕ್ಕೆ ಹೆಮ್ಮೆಯಾಗುತ್ತಿದೆ ಎಂದರು. ಅಷ್ಟೇ ಅಲ್ಲ ಅಂಗಾಂಗ ದಾನದ ಕುರಿತು
ಸಾರ್ವಜನಿಕರಲ್ಲಿ ಜಾಗೃತಿ ಮೂಡಬೇಕಿದೆ. ಸಾಯುವ ಮತ್ತೂಂದು ಜೀವಕ್ಕೆ ಬೆಳಕಾಗಬೇಕಿದೆ ಎಂದರು. 2011ರಲ್ಲಿ ಅಂಗಾಂಗ ದಾನದ ಕುರಿತು “ಗಿಫ್ಟ್ ಎ ಲೈಫ್’ ಎನ್ನುವ ಕಾರ್ಯಕ್ರಮವನ್ನು ಆಸ್ಪತ್ರೆಯೊಂದು ಆಯೋಜಿಸಿತ್ತು. ಈ ಕಾರ್ಯಕ್ರಮಕ್ಕೆ ಗಂಭೀರ್‌ ರಾಯಭಾರಿಯಾಗಿದ್ದರು. 
ಇತ್ತೀಚೆಗೆ ಗಂಭೀರ್‌ ಹೆಚ್ಚಿನ ಸಮಾಜ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದ್ದಾರೆ. ಸ್ವತಃ ತಾವೇ ಮುತುವರ್ಜಿಯಿಂದ ಪಾಲ್ಗೊಳ್ಳುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ಹಸಿದ ಹೊಟ್ಟೆಗೆ ಊಟ ನೀಡುವ ಯೋಜನೆಯನ್ನು ಅವರು ಆರಂಭಿಸಿದ್ದನ್ನು ಸ್ಮರಿಸಬಹುದು.