Siddapura ವಾಹನ ಚಾಲಕ ವಾಂತಿ ಉಲ್ಬಣಿಸಿ ಸಾವು

ಸಿದ್ದಾಪುರ: ತಮಿಳುನಾಡಿನಿಂದ ಮಾ.19ರಂದು ಕುಂದಾಪುರ ತಾಲೂಕು ಸಿದ್ದಾಪುರಕ್ಕೆ ಬೋರ್‌ವೆಲ್‌ ವಾಹನವನ್ನು ಚಾಲನೆ ಮಾಡಿಕೊಂಡು ಬರುತ್ತಿದ್ದ ಚಾಲಕ ದೊರೈಸ್ವಾಮಿ ಚಿನ್ನ ಗೌಂಡರ್‌ (46) ಅವರಿಗೆ ತೀರ್ಥಹಳ್ಳಿ ಸಮೀಪ ಬಂದಾಗ ವಾಂತಿ ಕಾಣಿಸಿಕೊಂಡಿತ್ತು.

ಸಿದ್ದಾಪುರಕ್ಕೆ ಬರುವಾಗ ವಾಂತಿ ಉಲ್ಬಣಿಸಿದ್ದು, ಮಾ. 20ರಂದು ಬೆಳಗ್ಗೆ ಚಿಕಿತ್ಸೆಗಾಗಿ ಕುಂದಾಪುರ ಸರಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದು ಪರೀಕ್ಷಿಸಿದ ವೈದ್ಯರು ಮೃತಪಟ್ಟಿರುವುದಾಗಿ ತಿಳಿಸಿದರು. ಮಾವ ಸೆಲ್ವರಾಜ್‌ (46) ವೇಲೂರು ಅವರು ಪೊಲೀಸರಿಗೆ ದೂರು ನೀಡಿದರು. ಶಂಕರನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.