ಚಲಿಸುತ್ತಿದ್ದ ಬಸ್‌ನ ಡೀಸೆಲ್‌ ಟ್ಯಾಂಕ್‌ ದಾರೀಲೆ ಕಳಚಿಬಿತ್ತು

ಗುಂಡ್ಲುಪೇಟೆ: ಚಲಿಸುತ್ತಿದ್ದ ಸಾರಿಗೆ ಬಸ್‌ ನಿಂದ ಡೀಸೆಲ್‌ ಟ್ಯಾಂಕ್‌ ಕಳಚಿಕೊಂಡು ಬಿದ್ದಿರುವ ಘಟನೆ ತಾಲೂಕಿನ ಬಾಚಹಳ್ಳಿ ಗ್ರಾಮದ ಬಳಿಯಲ್ಲಿ ನಡೆದಿದೆ. ಪಟ್ಟಣದ ಸಾರಿಗೆ ಘಟಕಕ್ಕೆ ಸೇರಿದ ಬಸ್‌ ಗುರುವಾರ ಸಂಜೆ ಸುಮಾರು 50 ಪ್ರಯಾಣಿಕರನ್ನು ಹೊತ್ತು ಬಾಚಹಳ್ಳಿಗೆ
ತೆರಳುವಾಗ ಗ್ರಾಮದ ಬಳಿ ಡೀಸೆಲ್‌ ಟ್ಯಾಂಕ್‌ ಕಳಚಿ ಬಿದ್ದಿದೆ. ಬಸ್‌ ಚಲಿಸುತ್ತಿದ್ದುದರಿಂದ ಹಿಂಬದಿಯ ಚಕ್ರ ಟ್ಯಾಂಕ್‌ನ ಮೇಲೆ ಹರಿದು ಡೀಸೆಲ್‌ ರಸ್ತೆಯಲ್ಲಿ ಚೆಲ್ಲಾಡಿದೆ. ಈ ರಸ್ತೆಯಲ್ಲಿ ಹುರುಳಿ ಬೆಳೆಯನ್ನು ರಸ್ತೆಗೆ ಹರಡಲಾಗಿತ್ತು. ಅದೃಷ್ಟವ ಶಾತ್‌ ಡೀಸೆಲ್‌ ಇದರ ಮೇಲೆ ಹರಡಿಲ್ಲ. ಯಾವುದೇ ಅನಾಹುತವೂ ಆಗಿಲ್ಲ.