ವಿಕ್ರಮಶಿಲಾ ಬೌದ್ಧ ವಿವಿಯ ಪುನರ್‌ ಉತ್ಖನನ ಆರಂಭಿಸಿದ ಪುರಾತತ್ವ ಇಲಾಖೆ

ಪಟ್ನಾ: ಬಿಹಾರದ ಭಾಗಲ್ಪುರದಲ್ಲಿರುವ ಐತಿಹಾಸಿಕ ವಿಕ್ರಮಶಿಲಾ ಮಹಾವೀರ ವಿಶ್ವವಿದ್ಯಾನಿಲಯದ ಅವಶೇಷಗಳನ್ನು ಪುನರ್‌ ಉತ್ಖನನ ಮಾಡಲು ಭಾರತೀಯ ಪುರಾತತ್ವ ಇಲಾಖೆ ಮುಂದಾಗಿದೆ. ಕ್ರಿ.ಶ. 8ನೇ ಶತಮಾನದ ಅಂತ್ಯ ಅಥವಾ ಕ್ರಿ.ಶ. 9ನೇ ಶತಮಾನದ ಆರಂಭದಲ್ಲಿ ಪಾಲ ದೊರೆ ಧರ್ಮಪಾಲ ನಿರ್ಮಿಸಿದ ಈ ಪ್ರಾಚೀನ ವಿವಿಯನ್ನು ಹಿಂದೆ 1972-82ರ ಅವಧಿಯಲ್ಲಿ ಪುರಾತತ್ವ ಇಲಾಖೆಯು ಉತ್ಖನನ ನಡೆಸಿದ್ದು, ಬೃಹದಾಕಾರದ ಬೌದ್ಧ ವಿಹಾರಗಳು, ಸ್ತೂಪಗಳು ಹಾಗೂ ಗ್ರಂಥಾಲಯದ ಕುರುಹುಗಳು ಸಿಕ್ಕಿರುವುದಾಗಿ ತಿಳಿಸಿತ್ತು. ಇದು ಬೌದ್ಧರ ಪ್ರಮುಖ ಶಿಕ್ಷಣ ಕೇಂದ್ರಗಳಲ್ಲೊಂದಾಗಿತ್ತು.