Uttar Pradesh: ಸಂಭಲ್‌ನ ಪ್ರಾಚೀನ ಬಾವಿಯ ಉತ್ಖನನ, ನವೀಕರಣಕ್ಕೆ ಚಾಲನೆ

ಸಂಭಲ್‌: ಉತ್ತರ ಪ್ರದೇಶದ ಸಂಭಲ್‌ನ ಕೋಟ್‌ವಾಲಿ ಪ್ರದೇಶದಲ್ಲಿ ಪ್ರಾಚೀನ ಮೃತ್ಯು ಕೂಪ(ಸಾವಿನ ಬಾವಿ) ಉತ್ಖನನ ಮತ್ತು ನವೀಕರಣ ಕಾರ್ಯವನ್ನು ಸ್ಥಳೀಯಾಡಳಿತವು ಗುರುವಾರದಿಂದ ಆರಂಭಿಸಿದೆ.

ಸಾಕಷ್ಟು ಧಾರ್ಮಿಕ ಆಧ್ಯಾತ್ಮಿಕ ಮಹತ್ವವನ್ನು ಹೊಂದಿದ ಕಾರಣಕ್ಕೆ ಈ ಬಾವಿಯನ್ನು ನವೀಕರಣ ವನ್ನು ಕೈಗೊಳ್ಳಲಾಗುತ್ತಿದೆ. ಸ್ಥಳೀಯರ ಪ್ರಕಾರ ತುಂಬಾ ವರ್ಷಗಳಿಂದ ಈ ಬಾವಿಯನ್ನು ಪಾಳು ಬಿಡಲಾಗಿತ್ತು. ಈ ಬಾವಿಯಲ್ಲಿ ಸ್ನಾನ ಮಾಡಿದರೆ ಮುಕ್ತಿ ದೊರೆಯುತ್ತದೆ ಎಂಬ ನಂಬಿಕೆ ಇದೆ. ಈ ಬಾವಿಗೆ ಪುರಾಣಿಕ ಹಿನ್ನೆಲೆಯೂ ಎನ್ನುತ್ತಾರೆ ಸ್ಥಳೀಯರು.

ಈ ಬಾವಿಯು ಸಂಭಲ್‌ನ ಶಾಹಿ ಜಾಮಾ ಮಸೀದಿ ಪಕ್ಕದಲ್ಲೇ ಇದೆ. ಕಳೆದ ತಿಂಗಳವಷ್ಟೇ ಸ್ಥಳೀಯ ಕೋರ್ಟ್‌ ಈ ಮಸೀದಿ ಸಮೀಕ್ಷೆಗೆ ಸೂಚಿಸಿತ್ತು.