Survey: ದಿಲ್ಲಿ ಜಾಮಾ ಮಸೀದಿ ಸಮೀಕ್ಷೆ ನಡೆಸಲು ಕೋರಿ ಪುರಾತತ್ವ ಇಲಾಖೆಗೆ ಪತ್ರ

ಹೊಸದಿಲ್ಲಿ: ಅಜ್ಮೇರ್‌ ದರ್ಗಾ, ಸಂಭಲ್‌ ಮಸೀದಿ ಸಮೀಕ್ಷೆ ವಿವಾದಗಳ ಬೆನ್ನಲ್ಲೇ ಇದೀಗ ಹೊಸದಿಲ್ಲಿಯ ಜಾಮಾ ಮಸೀದಿಯಲ್ಲಿ ಪುರಾತತ್ವ ಸಮೀಕ್ಷೆ ನಡೆಯಬೇಕು ಎಂಬ ಕೂಗು ಕೇಳಿಬಂದಿದೆ.

ಈ ಸಂಬಂಧಿಸಿದಂತೆ ಹಿಂದೂ ಸೇನಾ ಸಂಘಟನೆ ಅಧ್ಯಕ್ಷ ವಿಷ್ಣು ಗುಪ್ತಾ ಭಾರತೀಯ ಪುರಾತತ್ವ ಸಮೀಕ್ಷೆ ಇಲಾಖೆ (ಎಎಸ್‌ಐ) ನಿರ್ದೇಶಕರಿಗೆ ಪತ್ರ ಬರೆದಿದ್ದಾರೆ.

“ಮೊಘಲ್‌ ದೊರೆ ಔರಂಗಜೇಬ್‌, ಜೋಧಪುರ ಹಾಗೂ ಉದಯಪುರದಲ್ಲಿನ ದೇಗುಲಗಳನ್ನು ಧ್ವಂಸಗೊಳಿಸಿ ದೇವತೆಗಳ ವಿಗ್ರಹವನ್ನು ತಂದು ಜಮಾ ಮಸೀದಿ ನಿರ್ಮಿಸಿದ್ದಾನೆ. ದೇವರ ವಿಗ್ರಹಗಳನ್ನು ಮಸೀದಿಯಲ್ಲಿ ಮೆಟ್ಟಿಲುಗಳಾಗಿ ಬಳಸಲಾಗಿದೆ. ಹಾಗಾಗಿ ಎಎಸ್‌ಐ ಸಮೀಕ್ಷೆ ನಡೆಸಬೇಕು ಎಂದು ಒತ್ತಾಯಿಸಿದ್ದಾರೆ.