Advertisement
ರವಿವಾರ ಪುತ್ತೂರು ತಾ.ಪಂ. ಸಭಾಂಗಣದಲ್ಲಿ ರಾಷ್ಟ್ರೀಯ ಹಬ್ಬಗಳ ಆಚರಣೆ ಸಮಿತಿ ವತಿಯಿಂದ ವಿಶ್ವಕರ್ಮ ಸಂಘಟನೆಗಳ ಸಹಯೋಗದಲ್ಲಿ ನಡೆದ ವಿಶ್ವಕರ್ಮ ಜಯಂತಿಯಲ್ಲಿ ಅವರು ಸಂಸ್ಮರಣೆ ಉಪನ್ಯಾಸ ಮಾಡಿದರು.
41 ಉಪವರ್ಗ, 40 ಲಕ್ಷ ಜನ ಸಂಖ್ಯೆಯ ವಿಶ್ವಕರ್ಮ ಸಮಾಜ ರಾಜ್ಯದ ಲ್ಲಿದ್ದು, ದೇಶದಲ್ಲಿ 13 ಕೋಟಿ ವಿಶ್ವಕರ್ಮ ಸಮುದಾಯದವರಿದ್ದಾರೆ. ರಾಜ್ಯದ ಕೆಲವು ವಿಶ್ವ ವಿದ್ಯಾನಿಲಯಗಳಲ್ಲಾದರೂ ವಿಶ್ವಕರ್ಮರ ಸಾಧನೆ ತಿಳಿಸುವ, ಸಂಶೋಧನೆಗಳನ್ನು ಹೊರತರುವ ಕೆಲಸ ಆಗಬೇಕು ಎಂದು ಅವರು ಅಭಿಪ್ರಾಯಿಸಿದರು.
Related Articles
ಅಧ್ಯಕ್ಷತೆ ವಹಿಸಿದ ತಾ.ಪಂ. ಅಧ್ಯಕ್ಷೆ ಭವಾನಿ ಚಿದಾನಂದ ಅವರು ಮಾತನಾಡಿ, ವಿಶ್ವಕರ್ಮ ಸಮಾಜದ ಮೂಲ ಕಸುಬು ಗಳನ್ನು ಉಳಿಸಿಕೊಂಡು ಹೋಗುವ ಕೆಲಸ ಆಗಬೇಕು. ಹಿಂದಿನ ಕಾಲದ ವಸ್ತು ಗಳ ಕಲಾತ್ಮಕತೆಯನ್ನು ಉಳಿಸಿಕೊಂಡು ಹೋಗುವ ಜತೆಗೆ ತಂತ್ರಜ್ಞಾನದ ಬಳಕೆಯ ಸಂದರ್ಭದಲ್ಲೂ ಹಿಂದಿನ ವಿಶಿಷ್ಟತೆಯನ್ನು ಉಳಿಸಬೇಕು ಎಂದು ಹೇಳಿದರು.
Advertisement
ಸಮ್ಮಾನಈ ಸಂದರ್ಭ ವಿಶ್ವಕರ್ಮ ಸಮುದಾ ಯದ ಸಾಧಕರಾದ ನಿವೃತ್ತ ಸುಬೇದಾರ್‌ ಮೇ| ಎಂ. ಸುರೇಶ್‌ ಆಚಾರ್ಯ, ಕಬ್ಬಿಣದ ಕೆಲಸಗಾರ ಜನಾರ್ದನ ಆಚಾರ್ಯ, ಶಿಲ್ಪಿ ವಾಸುದೇವ ಆಚಾರ್ಯ ಹಾಗೂ ಎಂ. ದಿವಾಕರ ಆಚಾರ್ಯ, ಚಿನ್ನದ ಶಿಲ್ಪಿ ಜನಾರ್ದನ ಆಚಾರ್ಯ ಕರ್ಮಲ ಅವರನ್ನು ಸಮ್ಮಾನಿಸಲಾಯಿತು. ತಾಲೂಕು ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿಯ ಅಧ್ಯಕ್ಷ ಹಾಗೂ ತಹಶೀಲ್ದಾರ್‌ ಅನಂತ ಶಂಕರ್‌ ವಿಶ್ವಕರ್ಮ ಜ್ಯೋತಿ ಪ್ರಜ್ವಲನೆ ಮಾಡಿದರು. ವಿಶ್ವಕರ್ಮ ಯುವ ಮಿಲನ್‌ ಜಿಲ್ಲಾಧ್ಯಕ್ಷ ಹರೀಶ್‌ ಆಚಾರ್ಯ ಉಪಸ್ಥಿತರಿದ್ದರು. ವಿವಿಧ ಇಲಾಖೆಗಳ ಅಧಿಕಾರಿಗಳು, ವಿಶ್ವಕರ್ಮ ಸಂಘಗಳ ಪದಾಧಿಕಾರಿಗಳು, ಸಮಾಜ ಬಾಂಧವರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಹಿಂದುಳಿದ ವರ್ಗಗಳ ಮೆಟ್ರಿಕ್‌ ಪೂರ್ವ ವಿದ್ಯಾರ್ಥಿ ನಿಲಯದ ವಿದ್ಯಾರ್ಥಿಗಳು ನಾಡಗೀತೆ ಹಾಡಿದರು. ಉಪತಹಶೀಲ್ದಾರ್‌ ಶ್ರೀಧರ್‌ ಕೆ. ಸ್ವಾಗತಿಸಿ, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ವಿಸ್ತರಣಾಧಿಕಾರಿ ಎಸ್‌. ಕುಮಾರ್‌ ವಂದಿಸಿದರು. ಉಪ ತಹಶೀಲ್ದಾರ್‌ ನಾಗೇಶ್‌ ನಿರೂಪಿಸಿದರು. ಸೈನ್ಯಕ್ಕೆ ಪ್ರೋತ್ಸಾಹಿಸಿ
ಸಮ್ಮಾನ ಸ್ವೀಕರಿಸಿ ಮಾತನಾಡಿದ ಮೇ| ಎಂ. ಸುರೇಶ್‌ ಆಚಾರ್ಯ, ಭಾರತೀಯ ಸೇನೆಯಲ್ಲಿ ಶೇ. 99ರಷ್ಟು ಉತ್ತರ ಭಾಗದವರೇ ಕಾರ್ಯನಿರ್ವಹಿಸುತ್ತಿದ್ದಾರೆ. ನಮ್ಮ ಮಕ್ಕಳಿಗೂ ದೇಶಸೇವೆಗೆ ಪ್ರೋತ್ಸಾಹ ನೀಡಬೇಕು. ಪ್ರಸ್ತುತ ಸೈನಿಕರಿಗೆ ಎಲ್ಲ ಸೌಲಭ್ಯ, ಸವಲತ್ತುಗಳನ್ನೂ ನೀಡಲಾಗುತ್ತಿದೆ ಎಂದು ಹೇಳಿದರು.