1 ಸಾವಿರ ಮಂದಿಗೆ ಕೆಲಸ ಕೊಡಲಿದೆ ಟಾಟಾ ಟೆಕ್ನಾಲಜೀಸ್‌

ನವದೆಹಲಿ: ಟಾಟಾ ಟೆಕ್ನಾಲಜೀಸ್‌ ಸಂಸ್ಥೆಯಲ್ಲಿ 2022 -23ನೇ ಆರ್ಥಿಕ ವರ್ಷದಲ್ಲಿ ಕನಿಷ್ಠ 1000 ಜನರನ್ನು ಹೆಚ್ಚುವರಿಯಾಗಿ ನೇಮಕ ಮಾಡಿಕೊಳ್ಳಲಿದೆ.

12 ತಿಂಗಳಲ್ಲಿ 3000 ಉದ್ಯೋಗಿಗಳ ಯೋಜಿತ ನೇಮಕಾತಿಯನ್ನು ಮೀರಿ ಹೆಚ್ಚುವರಿ ನೇಮಕಾತಿ ಮಾಡಿ ಕೊಳ್ಳಲಾಗುವುದು. ಸಂಸ್ಥೆಯ ವ್ಯವಹಾರಗಳನ್ನು ಹೆಚ್ಚಿಸುವ ದೃಷ್ಟಿಯಿಂದ ಈ ನಿರ್ಧಾರ ತೆಗೆದು ಕೊಳ್ಳಲಾಗಿದೆ ಎಂದು ಸಂಸ್ಥೆಯ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

3000 ಜನರನ್ನು ನೇಮಕಾತಿ ಮಾಡಿಕೊಳ್ಳುವುದಾಗಿ ಸಂಸ್ಥೆಯು ಜನವರಿಯಲ್ಲೇ ಘೋಷಿಸಿತ್ತು. ಕರ್ನಾಟಕ, ಮಹಾರಾಷ್ಟ್ರ, ತಮಿಳುನಾಡು ಸೇರಿ ದೇಶದ ಹಲವೆಡೆ ವ್ಯವಹಾರ ವೃದ್ಧಿಸಬೇಕೆಂದು ನೇಮಕ ಪ್ರಮಾಣ ಹೆಚ್ಚಿಸಲು ನಿರ್ಧರಿಸಲಾಗಿದೆ.