BSNL: ಸದ್ಯದಲ್ಲೇ ಬಿಎಸ್ಸೆನ್ನೆಲ್‌ನ 19000 ಉದ್ಯೋಗ ಕಡಿತ: ವಿಆರ್‌ಎಸ್‌ಗೆ ಚಿಂತನೆ

ಹೊಸದಿಲ್ಲಿ: ಸರಕಾರಿ ಸ್ವಾಮ್ಯದ ಬಿಎಸ್‌ಎನ್‌ಎಲ್‌ ಸಂಸ್ಥೆಯು ಈಗ ವೆಚ್ಚ ಕಡಿತಕ್ಕೆ ಮುಂದಾಗಿದ್ದು, ಇದರೆ ಭಾಗವಾಗಿ ಉದ್ಯೋಗ ಕಡಿತಕ್ಕೆ ಚಿಂತನೆ ನಡೆಸಿದೆ ಎಂದು ಮೂಲಗಳು ತಿಳಿಸಿವೆ.

ಶೇ.35ರಷ್ಟು ಉದ್ಯೋಗ ಕಡಿತಕ್ಕೆ ಚಿಂತನೆ ನಡೆ ದಿದ್ದು, ದೂರ ಸಂಪರ್ಕ ಇಲಾಖೆಯು (ಡಿಒಟಿ) 2ನೇ ಸ್ವಯಂ ನಿವೃತ್ತಿ ಯೋಜನೆಗಾಗಿ (ವಿಆರ್‌ಎಸ್‌) ಹಣಕಾಸು ಸಚಿವಾಲಯಕ್ಕೆ ಕೋರಿಕೆ ಸಲ್ಲಿಸಿದೆ. ವಿಆರ್‌ಎಸ್‌ನಿಂದ ಉಂಟಾಗುವ ವೆಚ್ಚ ಭರಿಸಲು ಸಚಿವಾಲಯದಿಂದ 15,000 ಕೋಟಿ ರೂ. ಗಳನ್ನು ಬಿಎಸ್‌ಎನ್‌ಎಲ್‌ ಕೋರಿದೆ ಎನ್ನಲಾಗಿದೆ.

18ರಿಂದ 19 ಸಾವಿರ ಉದ್ಯೋಗ ಕಡಿತದ ಪ್ರಸ್ತಾವವನ್ನು ದೂರಸಂಪರ್ಕ ಇಲಾಖೆಗೆ ಕಳುಹಿಸಿದೆ ಎಂದು ಹೇಳಲಾಗಿದೆ. ಬಿಎಸ್‌ಎನ್‌ಎಲ್‌ ಪ್ರಸ್ತುತ ನೌಕರರ ವೇತನಕ್ಕಾಗಿ ಸುಮಾರು 7,500 ಕೋಟಿ ರೂ. ಖರ್ಚು ಮಾಡುತ್ತಿದೆ.