ಬಿಗ್‌ಬಾಸ್ಕೆಟ್‌ ಮಾಲೀಕತ್ವ ‘ಟಾಟಾ’ಹೆಗಲಿಗೆ : ಶೇ. 64.3 ಷೇರು ಖರೀದಿಸಿದ ಟಾಟಾ ಡಿಜಿಟಲ್‌

ನವದೆಹಲಿ: ಆನ್‌ಲೈನ್‌ ಮೂಲಕ ದಿನಸಿ, ಹಣ್ಣು-ತರಕಾರಿ ಸರಬರಾಜು ಮಾಡುವ ಖ್ಯಾತ ಸಂಸ್ಥೆಯಾದ, ಚೀನಾದ ಅಲಿಬಾಬಾ ಸಂಸ್ಥೆಯ ಬೆಂಬಲಿತ “ಬಿಗ್‌ ಬ್ಯಾಸ್ಕೆಟ್‌’ನ ಶೇ. 64.3 ಷೇರುಗಳನ್ನು ಟಾಟಾ ಸನ್ಸ್‌ ಸಂಸ್ಥೆಯ ಮಾಲೀಕತ್ವದ ಟಾಟಾ ಡಿಜಿಟಲ್‌ ಸಂಸ್ಥೆ ಖರೀದಿಸಿದೆ. ಈ ಮೂಲಕ, ಆ ಸಂಸ್ಥೆಯ ಮೇಲೆ ಟಾಟಾ ಕಂಪನಿ ಒಡೆತನ ಸಾಧಿಸಿದೆ.

ಲಾಕ್‌ಡೌನ್‌, ಕೊರೊನಾ ನಿರ್ಬಂಧಗಳು ಪರಿಚಯಗೊಂಡ ನಂತರ ದೇಶೀಯ ಇ-ಕಾಮರ್ಸ್‌ ಕ್ಷೇತ್ರದಲ್ಲಿ ಗಣನೀಯ ಬೆಳವಣಿಗೆಯಾಗಿದೆ. ಅದರಲ್ಲೂ ಆನ್‌ಲೈನ್‌ ಮೂಲಕ ದಿನಸಿ ಪದಾರ್ಥಗಳನ್ನು ಖರೀದಿಸುವಲ್ಲಿ ಜನರು ಹೆಚ್ಚಿನ ಉತ್ಸಾಹ ತೋರುತ್ತಿದ್ದು ಈ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿರುವ ಕಂಪನಿಗಳು ದೊಡ್ಡಮಟ್ಟದಲ್ಲಿ ಬೆಳೆಯುವ ಲಕ್ಷಣಗಳನ್ನು ತೋರುತ್ತಿವೆ.

ಇದನ್ನೂ ಓದಿ :ಗೋವಾ : ಕರ್ಫ್ಯೂ ವಿಸ್ತರಣೆ ಮಾಡುವ ಬಗ್ಗೆ ಇನ್ನೆರಡು ದಿನಗಳಲ್ಲಿ ನಿರ್ಧಾರ : ಪ್ರಮೋದ್ ಸಾವಂತ್

ಹಾಗಾಗಿ, ಬಿಗ್‌ಬ್ಯಾಸ್ಕೆಟ್‌ ಅನ್ನು ಖರೀದಿಸುವ ಮೂಲಕ ಟಾಟಾ ಕಂಪನಿ, ಈ ಕ್ಷೇತ್ರದಲ್ಲಿ ಸ್ಪರ್ಧೆ ನೀಡುತ್ತಿರುವ ಅಮೆಜಾನ್‌, ಫ್ಲಿಪ್‌ಕಾರ್ಟ್‌, ಜಿಯೋ ಮಾರ್ಟ್‌ ಕಂಪನಿಗಳ ಜೊತೆ ಸ್ಪರ್ಧೆಗಿಳಿಯಲಿದೆ.