Mumbai-Nagpur ಹೆದ್ದಾರಿಯಲ್ಲಿ ಏಕಕಾಲದಲ್ಲಿ 50 ವಾಹನಗಳ ಟಯರ್‌ ಪಂಕ್ಚರ್‌

ಮುಂಬೈ: ಮಹಾರಾಷ್ಟ್ರದ ಮುಂಬೈ-ನಾಗ್ಪುರ ಸಮೃದ್ಧಿ ಹೆದ್ದಾರಿಯಲ್ಲಿ ಏಕಕಾಲಕ್ಕೆ 50 ಕಾರುಗಳು, ಟ್ರಕ್‌ಗಳು ಸೇರಿದಂತೆ ಹಲವು ವಾಹನಗಳ ಟಯರ್‌ಗಳು ಪಂಕ್ಚರ್‌ ಆದ ಘಟನೆ ನಡೆದಿದೆ.

ಭಾನುವಾರ ರಾತ್ರಿ ಈ ಘಟನೆ ನಡೆದಿದೆ. ವಾಶಿಂ ಜಿಲ್ಲೆಯ ಟೋಲ್‌ ಪ್ಲಾಜಾ ಒಂದರ ಸಮೀಪ ಕಬ್ಬಿಣದ ಬೃಹತ್‌ ಬೋರ್ಡ್‌ ಒಂದು ಬಿದ್ದಿತ್ತು. ಅದರ ಮೇಲೆ ಸಂಚರಿಸಿದ ವಾಹನಗಳ ಟಯರ್‌ಗಳು ಪಂಕ್ಚರ್‌ ಆಗಿವೆ.

ರಾತ್ರಿ ಹಲವು ಗಂಟೆಗಳ ಕಾಲ ವಾಹನ ಚಾಲಕರು, ಪ್ರಯಾಣಿಕರು ಅತಂತ್ರರಾಗಿ ಉಳಿದಿದ್ದರು. ಸ್ಥಳೀಯರು ಈ ಬಗ್ಗೆ ಪರಿಶೀಲನೆ ನಡೆಸಿದಾಗ ರಸ್ತೆಯಲ್ಲಿ ಬಿದ್ದಿದ್ದ ಬೋರ್ಡ್‌ನ ಒಂದು ಭಾಗ ಚೂಪಾಗಿ ಇದ್ದಿದ್ದರಿಂದ ಈ ಘಟನೆ ನಡೆದಿದೆ. ರಸ್ತೆಯಲ್ಲಿ ಬೋರ್ಡ್‌ ಬಿದ್ದದ್ದು ಹೇಗೆ ಎಂಬ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ