ಹಾಡು ಪ್ರಸಾರ ಮಾಡಿದ್ದಕ್ಕೆ ರೇಡಿಯೋ ಬಂದ್‌!

ಜಲಾಲಾಬಾದ್‌: ರಂಜಾನ್‌ ಮಾಸದಲ್ಲಿ ಸಂಗೀತ ಪ್ರಸಾರ ಮಾಡಿದ ಆರೋಪದಲ್ಲಿ ಮಹಿಳೆಯರು ನಿರ್ವಹಿಸುವ ರೇಡಿಯೋ ಕೇಂದ್ರವನ್ನು ಅಫ್ಘಾನಿಸ್ತಾನದ ತಾಲಿಬಾನ್‌ ಸರ್ಕಾರ ಬಂದ್‌ ಮಾಡಿದೆ. ಈಶಾನ್ಯ ಆಫ್ಘನ್‌ನಲ್ಲಿ “ಸದೈ ಬನೋವನ್‌’ ಎಂಬ ಮಹಿಳೆಯರೇ ನಿರ್ವಹಿಸುವ ರೇಡಿಯೋ ಕೇಂದ್ರ ಇದೆ. ಇದನ್ನು 10 ವರ್ಷಗಳ ಹಿಂದೆ ಆರಂಭಿಸಲಾಗಿದೆ.

8 ಮಂದಿ ಉದ್ಯೋಗಿಗಳ ಪೈಕಿ ಆರು ಮಂದಿ ಮಹಿಳೆಯರಿದ್ದಾರೆ. “ರೇಡಿಯೋ ಕೇಂದ್ರವು ಸರ್ಕಾರದ ನಿಯಮಗಳನ್ನು ಉಲ್ಲಂಘಿಸಿದೆ. ರಂಜಾನ್‌ ತಿಂಗಳಲ್ಲಿ ಹಾಡುಗಳು ಮತ್ತು ಸಂಗೀತವನ್ನು ಪ್ರಸಾರ ಮಾಡಿದೆ. ಹಾಗಾಗಿ ಅದನ್ನು ಮುಚ್ಚಿದ್ದೇವೆ. ಪುನಃ ಈ ಅಚಾತುರ್ಯ ಮರುಕಳುಹಿಸುವುದಿಲ್ಲ ಎಂದು ಭರವಸೆ ನೀಡಿದರೆ, ಮರುಚಾಲನೆಗೆ ಅವಕಾಶ ನೀಡುತ್ತೇವೆ,’ ಎಂದು ತಾಲಿಬಾನ್‌ ಸರ್ಕಾರ ತಿಳಿಸಿದೆ.