T20 World Cup: ಭಾರತದ ಜೆರ್ಸಿ 6000 ರೂ.ಗೆ ಮಾರಾಟ!

ಹೊಸದಿಲ್ಲಿ: ಟಿ20 ವಿಶ್ವಕಪ್‌ಗಾಗಿ ಭಾರತ ತಂಡಕ್ಕೆ ಹೊಸದಾಗಿ ತಯಾರು ಮಾಡಿರುವ ಜೆರ್ಸಿಯ ಮಾದರಿಗಳನ್ನು ಅಡಿಡಾಸ್‌ ಸಂಸ್ಥೆ ಮಾರಾಟಕ್ಕಿಟ್ಟಿದ್ದು, ಇದಕ್ಕೆ 5,999 ರೂ. ಬೆಲೆ ನಿಗದಿ ಮಾಡಿದೆ.

ಭಾರತ ಕ್ರಿಕೆಟ್‌ ತಂಡಕ್ಕೆ ಕಿಟ್‌ ಪ್ರಾಯೋಜಕತ್ವ ವಹಿಸಿಕೊಂಡಿರುವ ಅಡಿಡಾಸ್‌ ಸಂಸ್ಥೆ ಈ ಕುರಿತಾಗಿ ಟ್ವೀಟ್‌ ಮಾಡಿದೆ. ಅಡಿಡಾಸ್‌ನ ಎಲ್ಲ ಮಳಿಗೆಗಳು ಹಾಗೂ ಆನ್‌ಲೈನ್‌ನಲ್ಲಿ ಈ ಜೆರ್ಸಿ ಮಾರಾಟವಾಗಲಿದ್ದು, ಅ. 7ರಿಂದ ಲಭ್ಯವಿರುತ್ತದೆ ಎಂದು ಅದು ಹೇಳಿದೆ.

ಈ ಬಾರಿ ನೀಲಿ ಬಣ್ಣದ ಜೆರ್ಸಿಯ ತೋಳುಗಳನ್ನು ಕೇಸರಿ ಬಣ್ಣದಲ್ಲಿ ತಯಾರಿಸಲಾಗಿದೆ. ಆಟಗಾರರ ಜೆರ್ಸಿಗಳಿಗೆ ಇಷ್ಟು ಹಣ ನಿಗದಿಪಡಿಸಲಾಗಿದ್ದು, ಅಭಿಮಾನಿಗಳ ಜರ್ಸಿಗೆ 999 ರೂ. ನಿಗದಿ ಪಡಿಸಲಾಗಿದೆ.