ಟಿ20 ವಿಶ್ವಕಪ್‌ ಕ್ರಿಕೆಟ್‌: ಪ್ರೇಕ್ಷಕರಿಗೆ ನಿರ್ಬಂಧವಿಲ್ಲ

ಮೆಲ್ಬರ್ನ್: ಟಿ20 ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿಯಲ್ಲಿ 15 ವಿದೇಶಿ ತಂಡಗಳು ಸೆಣಸಾಡುವುದೇ ಆದರೆ ಈ ಕೂಟದಿಂದ ವೀಕ್ಷಕರನ್ನು ದೂರವಿರಿಸುವ ಪ್ರಶ್ನೆಯೇ ಇಲ್ಲ ಎಂಬುದಾಗಿ ಕ್ರಿಕೆಟ್‌ ಆಸ್ಟ್ರೇಲಿಯದ ಉಸ್ತುವಾರಿ ಸಿಇಒ ನಿಕ್‌ ಹಾಕ್ಲಿ ಸ್ಪಷ್ಟಪಡಿಸಿದ್ದಾರೆ.

“ಟಿ20 ವಿಶ್ವಕಪ್‌ ಪಂದ್ಯಾವಳಿಯನ್ನು ನಿಗ ದಿತ ಅವಧಿಯಲ್ಲೇ ನಡೆಸಲು ಆಸ್ಟ್ರೇಲಿಯ ಸರಕಾರ ಹಾಗೂ ಅಲ್ಲಿನ ಕ್ರಿಕೆಟ್‌ ಮಂಡಳಿ ಎಲ್ಲ ಸಾಧ್ಯತೆಗಳನ್ನು ಪರಿಶೀಲಿಸುತ್ತಿದೆ. ನಮಗೆ ಎದುರಾಗಿರುವ ಮುಖ್ಯ ಸಾವಾಲೆಂದರೆ ಈ ಕೂಟದಲ್ಲಿ ಪಾಲ್ಗೊಳ್ಳಲಿರುವ 15 ವಿದೇಶಿ ತಂಡಗಳಿಗೆ ಆಸ್ಟ್ರೇಲಿಯಕ್ಕೆ ಪ್ರವೇಶ ನೀಡುವುದು. ಇದು ಸಾಧ್ಯವಾದರೆ ಆಗ ಪಂದ್ಯಗಳಿಂದ ಪ್ರೇಕ್ಷಕರಿಂದ ದೂರ ಇರಿಸುವ ಪ್ರಶ್ನೆಯೇ ಇಲ್ಲ’ ಎಂದು ನಿಕ್‌ ಹಾಕ್ಲಿ ಹೇಳಿದರು.