ಟಿ20 ವಿಶ್ವಕಪ್‌ ಗ್ರೂಪ್‌ ಮ್ಯಾಚ್‌ ;ಯುಎಇಗೆ ನೆದರ್ಲೆಂಡ್ಸ್‌ ಹೊಡೆತ

ಗೀಲಾಂಗ್‌: “ಎ’ ವಿಭಾಗದ ದ್ವಿತೀಯ ಪಂದ್ಯದಲ್ಲಿ ನೆದರ್ಲೆಂಡ್ಸ್‌ 3 ವಿಕೆಟ್‌ಗಳಿಂದ ಯುಎಇ ಯನ್ನು ಮಣಿಸಿತು.

ಇದು ಸಣ್ಣ ಮೊತ್ತದ ಸ್ಪರ್ಧೆಯಾಗಿತ್ತು. ಯುಎಇ 8 ವಿಕೆಟ್‌ ಕಳೆದುಕೊಂಡು ಕೇವಲ 111 ರನ್‌ ಗಳಿಸಿದರೆ, ನೆದರ್ಲೆಂಡ್ಸ್‌ ಬಹಳ ಕಷ್ಟದಿಂದ 19.5 ಓವರ್‌ಗಳಲ್ಲಿ 7 ವಿಕೆಟಿಗೆ 112 ರನ್‌ ಹೊಡೆಯಿತು.

ಯುಎಇಗೆ ಬಾಸ್‌ ಡಿ ಲೀಡ್‌ (19ಕ್ಕೆ 3) ಮತ್ತು ಫ್ರೆಡ್‌ ಕ್ಲಾಸೆನ್‌ (13ಕ್ಕೆ 2) ಕಡಿವಾಣ ಹಾಕಿದರು. 41 ರನ್‌ ಮಾಡಿದ ಆರಂಭಕಾರ ಮುಹಮ್ಮದ್‌ ವಾಸಿಮ್‌ ಅವರದು ಯುಎಇ ಸರದಿಯ ಸರ್ವಾಧಿಕ ಗಳಿಕೆ ಆಗಿತ್ತು.

ನೆದರ್ಲೆಂಡ್ಸ್‌ ಚೇಸಿಂಗ್‌ ಉತ್ತಮ ಮಟ್ಟ ದಲ್ಲಿತ್ತು. 12ನೇ ಓವರ್‌ ವೇಳೆ 3 ವಿಕೆಟಗೆ 71 ರನ್‌ ಗಳಿಸಿ ಸುಲಭ ಜಯದ ನಿರೀಕ್ಷೆಯಲ್ಲಿತ್ತು. ಆದರೆ ಈ ಹಂತದಲ್ಲಿ ಯುಎಇ ಬೌಲಿಂಗ್‌ ಹರಿತಗೊಂಡಿತು.

ಪಟಪಟನೆ 3 ವಿಕೆಟ್‌ ಬಿತ್ತು. ನಾಯಕ ಸ್ಕಾಟ್‌ ಎಡ್ವರ್ಡ್ಸ್‌ (ಅಜೇಯ 16) ಒಂದೆಡೆ ನಿಂತಿದ್ದ ರಿಂದ ನೆದರ್ಲೆಂಡ್ಸ್‌ ದಡ ಸೇರುವಂತಾಯಿತು.

ಸಂಕ್ಷಿಪ್ತ ಸ್ಕೋರ್‌: ಯುಎಇ-8 ವಿಕೆಟಿಗೆ 111 (ಮುಹಮ್ಮದ್‌ ವಾಸಿಮ್‌ 41, ಅರವಿಂದ್‌ 18, ಬಾಸ್‌ ಡಿ ಲೀಡ್‌ 9ಕ್ಕೆ 3, ಫ್ರೆಡ್‌ ಕ್ಲಾಸೆನ್‌ 13ಕ್ಕೆ 2). ನೆದರ್ಲೆಂಡ್ಸ್‌: 19.5 ಓವರ್‌ಗಳಲ್ಲಿ 7 ವಿಕೆಟಿಗೆ 112 (ಮ್ಯಾಕ್ಸ್‌ ಒಡೌಡ್‌ 23, ಕಾಲಿನ್‌ ಆಕರ್ಮನ್‌ 17, ಸ್ಕಾಟ್‌ ಎಡ್ವರ್ಡ್ಸ್‌ ಔಟಾಗದೆ 16, ಜುನೇದ್‌ ಸಿದ್ದಿಕ್‌ 24ಕ್ಕೆ 3).

ಪಂದ್ಯಶ್ರೇಷ್ಠ: ಬಾಸ್‌ ಡಿ ಲೀಡ್‌