ಅಂಬಾಭವಾನಿ 50ನೇ ವರ್ಧಂತಿ ಉತ್ಸವ: ಅನ್ನ ಸಂತರ್ಪಣೆ

ಸುರಪುರ: ರಂಗಂಪೇಟೆ ಅಂಬಾಭವಾನಿ ದೇವಸ್ಥಾನದಲ್ಲಿ ಭಾವಕ್ಷತ್ರೀಯ ಸಮಾಜದಿಂದ ಅಂಬಾಭವಾನಿ 50ನೇ ವರ್ಷದ ವರ್ಧಂತಿ ಉತ್ಸವ ಆಚರಿಸಲಾಯಿತು.

ಲಾಕ್‌ಡೌನ್‌ನಿಂದ ದೇವಸ್ಥಾನದ ಬಾಗಿಲು ಮುಚ್ಚಿದ್ದರು ಕೂಡ ದೇವಸ್ಥಾನದ ಹೊರಗಡೆಯೇ ದೇವಿಗೆ ಕಾಯಿ ಒಡೆದು ಕರ್ಪೂರ ಬೆಳಗಿ ಪೂಜೆ ಸಲ್ಲಿಸಲಾಯಿತು. ಪೊಲೀಸರು. ಪೌರ ಕಾರ್ಮಿಕರು, ಆರೋಗ್ಯ ಇಲಾಖೆ ಸಿಬ್ಬಂದಿ, ನಿರ್ಗತಿಕರು, ಬೇರೆ ಊರಿನಿಂದ ಬರುವ-ಹೋಗುವ ಜನರಿಗೆ ಅನ್ನ ಸಂತರ್ಪಣೆ ಮಾಡಲಾಯಿತು.

ಅರ್ಚಕ ಭೀಮರಾವ್‌ ಪತಂಗೆ, ಸಮಾಜದ ಪ್ರಮುಖರಾದ ರಾಜು ಪುಲ್ಸೆ, ಬೂಮದೇವ ಮಹೇಂದ್ರಕರ್‌, ತಿರುಪತಿ ಮಾಳದಕರ್‌, ಹಣಮಂತರಾವ ದೇವಗಿಕರ್‌, ಸುಭಾಷ, ಕಿರಣ, ಮಲ್ಲಿನಾಥ, ಪ್ರೇಮ ಮಹೇಂದ್ರಕರ್‌, ನಾಗೇಶ, ತುಳಸಿ ಅಂಬೂರೆ ಇದ್ದರು.