ಕಪ್ಪು ಜನರಿಗೆ ಬೆಂಬಲ: ಇಂಗ್ಲೆಂಡ್‌ ಕ್ರಿಕೆಟಿಗರಿಂದ ಬಿಎಲ್‌ಎಂ ಲಾಂಛನ

ಲಂಡನ್‌: ಕಪ್ಪು ಜನರಿಗೆ ಬೆಂಬಲ ಸೂಚಿಸುವ ಉದ್ದೇಶದಿಂದ ಪ್ರವಾಸಿ ವೆಸ್ಟ್‌ ಇಂಡೀಸ್‌ ಎದುರಿನ ಟೆಸ್ಟ್‌ ಸರಣಿಯ ವೇಳೆ ಇಂಗ್ಲೆಂಡ್‌ ಕ್ರಿಕೆಟಿಗರು ತಮ್ಮ ಜೆರ್ಸಿ ಮೇಲೆ ಬಿಎಲ್‌ಎಂ (ಬ್ಲ್ಯಾಕ್‌ ಲೈವ್ಸ್‌ ಮ್ಯಾಟರ್‌) ಲಾಂಛನ ಧರಿಸಲು ನಿರ್ಧರಿಸಿದ್ದಾರೆ.

ಜು. 8ರಿಂದ ಸೌತಾಂಪ್ಟನ್‌ನ “ಏಗಸ್‌ ಬೌಲ್‌’ ಕ್ರೀಡಾಂಗಣದಲ್ಲಿ ಟೆಸ್ಟ್‌ ಸರಣಿ ಆರಂಭವಾಗಲಿದ್ದು, ಇದು ಕಪ್ಪು ಜನರಿಗೆ ಬೆಂಬಲ ಸೂಚಿಸುವ, ಏಕತೆ ಹಾಗೂ ಸಮಗ್ರತೆಯನ್ನು ಸಾರುವ ಅತ್ಯುತ್ತಮ ವೇದಿಕೆಯಾಗಿದೆ ಎಂದು ಇಂಗ್ಲೆಂಡ್‌ ನಾಯಕ ಜೋ ರೂಟ್‌ ಅಭಿಪ್ರಾಯಪಟ್ಟಿದ್ದಾರೆ.

ಇದಕ್ಕೂ ಮುನ್ನ ವೆಸ್ಟ್‌ ಇಂಡೀಸ್‌ ಕ್ರಿಕೆಟಿಗರೂ ಬಿಎಲ್‌ಎಂ ಲಾಂಛನ ಧರಿಸಿ ಆಡುವುದಾಗಿ ಪ್ರಕಟಿಸಿದ್ದರು.