IPL ಭಾರಿ ಮಳೆಯಿಂದ ಪಂದ್ಯ ರದ್ದು; ಹೈದರಾಬಾದ್ ಪ್ಲೇ ಆಫ್ ಗೆ ಪ್ರವೇಶ

ಹೈದರಾಬಾದ್ : ಇಲ್ಲಿ ಗುರುವಾರ ನಡೆಯಬೇಕಿದ್ದ ಸನ್ ರೈಸರ್ಸ್ ಹೈದರಾಬಾದ್ ಮತ್ತು ಗುಜರಾತ್ ಟೈಟಾನ್ಸ್ ನಡುವೆ ನಿರ್ಣಾಯಕ ಐಪಿಎಲ್ ಪಂದ್ಯ ಭಾರಿ ಮಳೆಯಿಂದಾಗಿ ಟಾಸ್ ಮಾಡಲು ಕೂಡ ಸಾಧ್ಯವಾಗದೆ ರದ್ದಾಗಿದೆ.

ಇದು ಈ ಐಪಿಎಲ್ ನಲ್ಲಿ ರದ್ದಾದ ಎರಡನೇ ಪಂದ್ಯವಾಗಿದೆ. ಹಿಂದೆ ಗುಜರಾತ್ ಮತ್ತು ಕೋಲ್ಕತಾ ನಡುವಿನ ಪಂದ್ಯ ಕೂಡ ಮಳೆಯಿಂದಾಗಿ ರದ್ದಾಗಿತ್ತು. ಇದು ಗುಜರಾತ್ ತಂಡಕ್ಕೆ ಮಾರಕವಾಗಿ ಪರಿಣಮಿಸಿತು. 12 ಅಂಕ ಹೊಂದಿರುವ ಗುಜರಾತ್ ಅಧಿಕೃತವಾಗಿ ಹೊರ ಬಿದ್ದಿತು.

ಇಂದಿನ1 ಅಂಕ ಸೇರಿ 15 ಅಂಕ ಹೊಂದಿರುವ ಹೈದರಾಬಾದ್ ಮೂರನೇ ತಂಡವಾಗಿ ಪ್ಲೇ ಆಫ್ ಪ್ರವೇಶ ಪಡೆದಿದೆ.ಇನ್ನೂ ಒಂದು ಪಂದ್ಯ ಆಡಲುಳಿದಿದೆ. ಇನ್ನೇನಿದ್ದರೂ ಚೆನ್ನೈ ಮತ್ತು ಆರ್ ಸಿಬಿ ನಡುವಿನ ಪಂದ್ಯದ ಮೇಲೆ ಎಲ್ಲರ ಕೂತೂಹಲ ನೆಟ್ಟಿದೆ. ಬೆಂಗಳೂರಿನಲ್ಲಿ ಶನಿವಾರ ನಡೆಯುವ ಪಂದ್ಯಕ್ಕೂ ಮಳೆ ಅಡ್ಡಿಯಾಗುವ ಆತಂಕ ಎದುರಾಗಿದೆ.