ಕಪಿಲ್‌ ಶರ್ಮಾ ಕಾಮಿಡಿ ಶೋಗೆ ಮರಳಿದ ಸುನೀಲ್‌ ಗ್ರೋವರ್‌ !

ಹೊಸದಿಲ್ಲಿ : ನಂಬಿದ್ರೆ ನಂಬಿ ಬಿಟ್ರೆ ಬಿಡಿ – ಮೊನ್ನೆ ಮೊನ್ನೆ  ಮಾನ-ಮರ್ಯಾದೆಗಾಗಿ ಕಿತ್ತಾಡಿಕೊಂಡು ಪರಸ್ಪರ ದೂರವಾಗಿದ್ದ ಸುನಿಲ್‌ ಗ್ರೊವರ್‌ ಮತ್ತು ಕಪಿಲ್‌ ಶರ್ಮಾ ನಡುವೆ ಇದೀಗ ಮತ್ತೆ ದೋಸ್ತಿ ಉಂಟಾಗಿದೆ. “ದಿ ಕಪಿಲ್‌ ಶರ್ಮಾ ಕಾಮಿಡಿ ಶೋ’ಗೆ ಸುನಿಲ್‌ ಗ್ರೋವರ್‌ ಮರಳಿದ್ದಾರೆ !

ಈ ಸುದ್ದಿ ಕೇಳಿ ಕಪಿಲ್‌ ಕಾಮಿಡಿ ಶೋ ಪ್ರಿಯರಿಗೆ ಇನ್ನಿಲ್ಲದಷ್ಟು ಖುಷಿಯಾಗುವುದಂತೂ ನಿಶ್ಚಿತ. ಏಕೆಂದರೆ ಎಲ್ಲರನ್ನೂ ನಕ್ಕು ನಗಿಸುವ ಸುನಿಲ್‌ ಗ್ರೋವರ್‌ ಅವರಿಲ್ಲದ ಕಪಿಲ್‌ ಶರ್ಮಾ ಶೋ ಹೆಚ್ಚಿನವರಿಗೆ ಬರೀ ಸಪ್ಪೆ. 

ಅಂದ ಹಾಗೆ ಕಪಿಲ್‌ ಶರ್ಮಾ ಶೋವನ್ನು ಸುನಿಲ್‌ ಗ್ರೋವರ್‌ ಮರಳಿರುವರೆಂಬ ಸುದ್ದಿಯನ್ನು ನೀವಿಗ ಪೂರ್ತಿ ನಂಬಬಾರದು – ಕಾರಣ ಇವತ್ತು ಎಪ್ರಿಲ್‌ ಫ‌ೂಲ್‌ ದಿನ ಎಂಬುದನ್ನು ನೀವು ಸರ್ವಥಾ ಮರೆಯಬಾರದು ! 

ಹಾಗಿದ್ದರೂ ಕಪಿಲ್‌ ಶರ್ಮಾ ಮತ್ತು ಸುನೀಲ್‌ ಶರ್ಮಾ ಅವರನ್ನು ಮತ್ತೆ ಜತೆಯಾಗಿ ಕಪಿಲ್‌ ಕಾಮಿಡಿ ಶೋದಲ್ಲಿ ಕಾಣುವ ದಿನಗಳು ಬೇಗನೆ ಬರಲೆಂದು ಹಾರೈಸೋಣ.