ಸುದೀಪ್‌ ಫೇವರೇಟ್‌ ಸೀನ್‌ ಇದು …

ಪ್ರತಿಯೊಬ್ಬ ನಟ-ನಟಿಯರಿಗೂ ತಮ್ಮ ಸಿನಿಮಾಗಳಲ್ಲಿ ಕೆಲವು ದೃಶ್ಯಗಳು, ಸನ್ನಿವೇಶಗಳು ತುಂಬಾನೇ ಇಷ್ಟವಾಗುತ್ತವೆ. ಅದನ್ನು ಅವರು ಆಗಾಗ ನೆನಪಿಸಿಕೊಳ್ಳುತ್ತಿರುತ್ತಾರೆ ಕೂಡಾ. ಇದರಿಂದ ಸುದೀಪ್‌ ಕೂಡಾ ಹೊರತಾಗಿಲ್ಲ.

“ದಿ ವಿಲನ್‌’ ಚಿತ್ರದಲ್ಲಿ ಅವರ ಫೇವರೇಟ್‌ ಸನ್ನಿವೇಶ, ದೃಶ್ಯ ಯಾವುದೆಂಬುದನ್ನು ಅವರು ಹೇಳಿದ್ದಾರೆ. ಚಿತ್ರದ ಫೋಟೋ ಹಾಕಿ, ಟ್ವೀಟ್‌ ಮಾಡಿರುವ ಸುದೀಪ್‌, “ದಿ ವಿಲನ್‌’ ಚಿತ್ರದಲ್ಲಿ ನನಗೆ ತುಂಬಾ ಇಷ್ಟವಾಗಿರುವ ಸೀನ್‌ ಇದು. ಈ ಸೀನ್‌ನಲ್ಲಿ ನಾನು ಕೆಲವೇ ಕೆಲವು ಮಾತುಗಳನ್ನಾಡುತ್ತೇನಷ್ಟೇ.

ಆದರೆ, ಆ ಮಾತುಗಳು ನನ್ನ ಪಾತ್ರವನ್ನು ತುಂಬಾ ಚೆನ್ನಾಗಿ ಬಿಚ್ಚಿಡುವೆ. ಒಬ್ಬ ನಟನಿಗೆ ಡೈಲಾಗ್‌ ಡೆಲಿವರಿ ವಿಷಯದಲ್ಲಿ ಸಾಕಷ್ಟು ಸವಾಲುಗಳಿರುತ್ತವೆ’ ಎಂದು ಟ್ವೀಟ್‌ ಮಾಡಿದ್ದಾರೆ. ಈ ಮೂಲಕ “ದಿ ವಿಲನ್‌’ ಚಿತ್ರದ ತನ್ನ ಇಷ್ಟದ ದೃಶ್ಯ ಯಾವುದೆಂಬುದನ್ನು ಸುದೀಪ್‌ ತಮ್ಮ ಅಭಿಮಾನಿಗಳಿಗೆ ತಿಳಿಸಿದಂತಾಗಿದೆ.